السلام عليكم ورحمة الله وبركاااته
ترى اول مره انزل موضوع فيه صوور وشرح قلت خلوني افيد مثل مااستفيد
المهم هذه ساندوتشات سويتها غداء اليوم لكن اكلناها متأخره لاننا طلعنا واخذتها معي بحافظه علشان كذا غلفتها قصدير علشان تصير حاره لكن وربي لذيذه ......
زوجي لو اطاوعه كل شوي اسويها له يقول صراحه عليها طعم مررره راااايق
والاحلى كله شغل بيت حتى الخبز
وربي احب دايماَ اي شي اسويه يكون من ايديي الا احيانا مانستغني نجيبه جاهز لكن قليل
المقادير
صدور دجاج متبله ومشويه ومقطعه
خبز
خس
بقدونس
كاتشاب
بطاطس مقليه
الدجاج ::
(نحتاج الى صدور دجاج بدون عظم ونتبلها بملح وفلفل اسود وصلصة الصويا وملعقه صغيره خل وفصين ثوم وعلى الثلاجه لمدة ساعه )
ونبدأ بالخبز
عجينتي وحده دايما استخدمها للخبز والفطائر والسينابون والحمد لله مضبوطه معي ميه ميه
وانا دايما المقادير على نظر عيني وتضبط معي ولامره خربت
كوب ونص دقيق
ملعقتين حليب بودره
ملعقه وسط خميره فوريه
بيالة شاي زيت
ذرة ملح
ملعقه سكر
ونص كاس ماء واذا زياده على حسب حاجتك له
كل مقادير مع بعض بكاس الخلاط واخليها تخلط لمدة دقيقتين لين تتكون فقاعات وبعدين احطها بالوعاء اللي ابخلط فيها واحط الدقيقه واعجن واعجن من قلب واتركها ترتاح لمدة عشر دقايق او ربع ساعه
وبعدين كورتها ست كووور وخليتها ترتاح وفردتها وخبزتها على الصاج
الدجاج بعد ماطلعناه وحطيته على صاجه فيها شوية زيت وكل شوي اقلبها وبعدين اغطيها
واذا خلص اقطعه
وهذه اللي نحتاجها بحشوة الخبز نحشي الخبز ونلفها بقصدير وعلى الفرن بدرجه بسيطه نخليها تدفا بتصير احلى
وجعل عافيه على قلوووبكم
ولاتنسوني من دعواتكم الطيبه وربي يرزقنا بالذريه الصالحه السليمه وكل من يتمنى