السلام عليكم ورحمة الله وبركاته
حبيت أناقش معكم شي
والله اني بهم كبير ما يعلمه الا الله
أحس انا السبب
انا البنت الوسطى فوقي بنت وتحتي بنت
والحمدلله من اسرة محافظة..
يعني نادرا ما نروح زواجات الا القرايب مرة
وأختي اللي أكبر من عمرها 30
وانا 23 سنة..
دليت ناس على اختي.. بدون علمها ابدا..
هالناس برا جماعتنا ما نعرفهم
بعد الخطبة والسؤال عن الرجال والموافقة حللت
البنت تحليل زواج وهو ما حلل جلسنا تقريبا كذا
أسبوع أهلي فقدوا الأمل اعتقدوا أن الرجال انسحب أو ما يبي
.. بعدها بشهر اتصل وقال انه يبي بنتنا ويبي يملك حددنا
الملكة بس كل شوي تتاجل بحكم أن مافيه اتفاق بين والد البنت والعريس الجديد ..
وبعد شهر اتصل ثانية وقال خلاص بس ما ابي تجمعون ناس أبيها مختصرة.. بس ابوي أصر يفرح اختي وكبر
الحفلة الملكة ..
قبل الملكة رافض يجيب " الشبكة " الذهب
وأصر عليه لحد ما وافق..
حسيت من تصرفاته الرجال مو جاد
يوم الملكة ماجاب المهر ( على فكرة الرجال مو من جماعتنا ولا نعرفه)
ابوي كان وده يقول له بس ما يبي يحرجه قدام الرجاجيل
دخل على اختي بالغرفة ولبسها الذهب
عدت الملكة شهر تقريبا بعد ما وعدنا انه راح يوصل بعد ما ينزل له القرض ولا وصل المهر
والشي الثاني أنه يبي يقابلها ببيتنا. ويبي رقمها بس ابوي رافض لحد ما يجيب المهر..
وابوي متحسف قد شعر رأسه انه وافق عليه لأن حسينا عدم جديته و الشي الثاني الناس اللي تسال كيف تناسبون ذولي ما يليقون فيكم..
وأختي نفسيتها تزيد سوء
وانا ما بيدي شي..
هالناس ما اعرفهم ولا يعرفونا ..
والنقطة الثانية من عادتنا أن المهر يسلم وقت عقد القران..
واستغربنا انه ما سلم شي
أحس بدل ما ابي افتح باب رزقها حسيت اني ظلمتها..
انتم وش رأيكم، !
انا غلطانة والا كيف..
M o o N @m_o_o_n_2
عضوة
يلزم عليك تسجيل الدخول أولًا لكتابة تعليق.
الصفحة الأخيرة
اختك استخارت قبل لاتوافق؟
ويمكن ظروف الرجال المادية مو قد كذا
واذا مررررة خايفين من عدم مصداقيتة توكم ببداية الطريق ماصار الا كلام ع الورق