ولدي كان بيموت والدكتور السبب

يابنات والله ميته قهر ماأدري من وين أبدأ قبل سته أيام تعب ولدي وارتفعت حرارته بشكل مو طبيعي لدرجة معاد قدر يتنفس وداه أبوه للمستوصف الحكومي المهم لمن رجع والولد على نفس الحاله وأسوأ بعد شبه متشنج وأطرافه بارده وزرقا قلت له وش فيه كذا وش سووا له قال ولا شي لقيت دكتور xxxxxبس اكسجين حتى ماقاس الحراره ولاكشف عليه حتى ماكمل الاكسجين قال طلعه على طول أخذناه لمستوصف أهلي لقينا حرارته اربعين عطوه ابرتين وعلاج نزلت الحراره ساعه ورجعت وساءت حالة ولدي بعد العلاج صارتنفسه صعب جدا خذيناه لمستوصف ثاني عند دكتور xxxxممتاز جدا وكثير يمدحونه طبعا خذينا الادويه معانا كشف عليه الدكتور وعلى طول فسخوه وروشوه وجهزوا الابرلان حرارته كانت اربعين وعطوه اكسجين وسووا له اشاعه ولقوا عنده التهاب رئوي حاد ونقص قي اكسجين الدم المهم سووا له اللازم وخلوا الابر في يده علشان لازم يستمر على الابر ونروح البيت ونرجع مرتين في اليوم اربع ايام على ذا الحال وتحسن ولدي ولله الحمد أيه ونسيت أقولكم أن العلاجات اللي أعطاها اياه الدكتور الاولي غلط وزادت الحاله سوء على حسب كلام الدكتور وسببت ضيق في الشعب الهوائيه أدى إلى نفص اكسجين الدم يعني بالمختصر ولدي كان راح يموت لولا لطف الله فيه السؤال هنا مين راح ياخذ حقي من الدكتور اللي ماكلف نفسه يقيس الحراره وكمان من الدكتور اللي معطي علاج غلط مادام الدوله تصرف مبالغ مهوله ليه مايجيبون أطباء أكفاء يهتمون بالمريض ماغير جايبين ارخص اطباء ونايمين في مكاتبهم وفي نفس المستوصف في قسم النساء نفس الشي صار معي من فتره دخلت اكشف لقيتها نااااايمه من غير النفس الشينه لموضفات الاستقبال والصيدلي اللي ماهو موجود اذا تكرموا وصرفوا علاج اشتريناه من برا مره جلسوا يدقون عليه الين ماجا ويصرف الادويه وهو ينافخ آسف أدوشتكم وكلامي ملخبط بس من القهر على ولد