حياك الله يادوري ، موضوع مهم وجدير بالنقاش على امـل الفائده والنتيجه الإجابيه ." نقول يارب " ..

انا من وجهة نظري لو نحارب المنقول لأرتقى منتدانا ، بإستثناء الأخبار والفتاوى ، لأنه بالفعل المنتدى ثلاثة ارباعه منقـول

والربع الباقي من ابداع عضواته ومع هذا ماله اثر لأن المنقول مرفوع لأعلى الصفحات والباقي في ادراج المنتدى !!

ما هي الأسباب التي تدعونا عند رؤية موضوع للتفكير بنقله ؟؟؟

بالنسبه لي نادراً ما انقل ، لأن مواضيع زمااان للحين تدور بين المنتديات وما اظن بنلقى مواضيع مفيده تستاهل النقل !!

و هل تنفع الردود القاسية و الأسلوب الساخر في الحد من هذا الأمر ؟؟؟

الردود القاسيه تقسي القلوب وماهي حل بالعكس إلا تسبب العناد والأستفزاز ،

والاسلوب الساخر سلاح ذو حدين مرات يكون إجابي ومرات يكون سلبي .. وانا معاه وضده في نفس الوقت ..

انا اشوف ان تجاهل المواضيع المنقوله هــو افضل حل للحد من كثرتها ، ماعدا الأخبار المهمه او الفتاوى والأحاديث ..

من وجهة نظري ....اتوقع لو يحارب المنتدى المواضيع المنقولة أفضل...

لأن ساعتها يبي يطلع ابداع العضوات...

لكن ممكن العضوة تنقل خبر عاجل او فتوى...لكن ما يكون الموضوع قص و لزق فقط...لازم العضوة تحط رايها أو تعليقها على صور أو الخبر المنقول....بحيث إنه يكون فيه موضوع للنقاش و ما يكون الموضوع نقل للنقل فقط...و تصبح الردود على شاكلة...جزاك الله خير !

الله يعطيك العافية موضوع مهم

*

دوري..


اعتقد الاخ ناصر يقصد المواضيع اللي مثل هذي..


http://forum.hawaaworld.com/showthread.php?t=867747#Scene_1


http://forum.hawaaworld.com/showthread.php?t=913488



http://forum.hawaaworld.com/showthread.php?t=919554


لان ليس في نقلها فائدة أو حل..



و اعتذر لاني رديت بدالكم...


شكريا..

السلام عليكم ورحمة الله

هذي الأيام قرأت اكثر من موضوع يتكلم عن النقل وكل مرة ينفتح الموضوع وماينقفل وأتمنى هذي المرة نحط النقاط على الحروف ونخرج بنتيجة من هذا النقاش

أول شي انا قرأت الموضوع قبل هذي المرة وكان بعنوان تكرار المواضيع والآن بعنوان نقل المواضيع
وأحييك انك غيرتي الموضوع لأن النقل هو المشكلة الأساسية للتكرار وليس العكس لأنه مستحيل تلقي موضوعين مكررة بالحرف الواحد غير منقوله

يوجد مواضيع مكرره بحيث تكون معروضة بأكثر من شكل زي اعصار غونو كل وحده تكتب وضعها بأسلوبها في الغالب لأنه اتعرض لها شريحة كبيرة من الناس والبعض عندما يقرأ موضوع يكون عنده مشاركة لكن للأسف يفرد لها موضوع منفرد ومثل هذي الحالة الأفضل تضم المواضيع لأول موضوع نزل
وبعدين لايمكن لموقع زي عالم حواء فيه كل هذا العدد من الأعضاء والعضوات وماتلقي موضوعين مكرره

ثاني شي بما أنني عضوة جديدة حاولت ادرس المنتدى كأعضاء ومواضيع بشكل عام ولاحظت عدة امور:
1- بعض العضوات تبغى تشارك لكن ماعندها اسلوب أو ماتعرف توصل الفكره أو أو ...إلخ ماعندها حل غير النقل وللأسف أغلب المواضيع وحتى الأخبار قدييييمة لأني بصراحة أحيان أبحث عن الموضوع وألاقي ان الموضوع له كم سنة
2- بعض العضوات مايلاقوا تفاعل مع مواضيعهم اللي يكتبوها يضطروا ينقلوا مواضيع قوية لها صدى بحيث يلاقوا احد يتفاعل معاهم
3- وهذا الشي اكثر شي منرفزني انه بعض المواضيع تاخذ اكثر من حجمها والبعض بصراحة لايأخذ حجمه
مثال: يوجد مواضيع عاديه لكن تقعد كم يوم مدبسه في الصفحة الأولى لأنه صاحبة الموضوع الله يهديها ماترد على اللي يردوا على مواضيعها الا بالقطارة يعني كل ماشافت موضوعها بدأ يرجع ورى ترد رد واحد ماترد على كل المشاركات مرة وحده بحيث ترفع موضوعها كل مرة وهذا الشي لايسمح للمواضيع الجديدة بأخذ حيز خاصة انه بعض العضوات (تستحي) ترفع الموضوع ف تضطر تنقل مواضيع وأخبار تسبب جدل لما ماتلقى تفاعل

انا مو ضد كل النقل لأنه يوجد بعض المواضيع هادفة وبعض الأخبار مهمة لكن الشي اذا زاد عن حده ينقلب ضده
واعتقد السبب الأساسي في النقل هو قلة التفاعل يعني كل عضوة تبغى الكل يتفاعل مع مواضيعها لذلك تنقل من منتديات اخرى ولا أدري ماالحل؟؟؟

سامحيني على الاطالة وتقبلي تحياتي
:26: :26: