حبيت أضيف .. أنه إذا الله كتب وصار نصيب للفكرة انها تتطبق .. فيا ليت تعطوا فرصة للخوات سنتين على الأقل يجمعوا مبلغ المساهمة .. عني أنا شخصياً حالياً مفلسة ... بس صبرولنا شوي نجمع 3 - 5 آلاف شهرياً ابتدائاً من العام القادم .. وبذلك تزيد فرصتي وفرص كثير من الخوات اللي متأكدة أن في منهم وايد مثلي .. ما يصفيلهم من الراتب آخر الشهر إلا القليل القليل .. هذا غير الإلتزامات الثانية .. فخلونا نعيد حساباتنا من أول السنة الياية .. وهذا ما يمنع انا خلال هذي الفترة ندرس الموضوع بتأني وروية .. ونبدع فيه بعد ..أي أن البداية الفعلية للمشروع ستكون بإذن الله 9/ 2008 م .. إن الله أحيانا .وصدقوني مو بعيد وايد .. غمضي وفتحي ولا السنتين خلصوا .. بس على الأقل كان لنا هدف واضح نسعى له .

وخلال هذي الفترة .. اللي معها راس مال متوفر تستثمره أكثر فأكثر سواء بمشروع الأسهم
اللي اقترحته الأخت أريام 2 مثلاً _ للي حابين ها المجال _ أو انهم يجمعون المبلغ ويشترون قطعة أرض بأي مكان وينسون ها المبلغ لمدة سنتين ثم يبيعونها ويوزعون الأرباح عليهم بالتساوي .. أكين راح يزيد سعرها .. وبعد السنتين نشوف مين اللي بعده عند تطبيق الفكرة ومين اللي جد عليه جديد وبذلك لن نخسر شيئ احنا جمعنا المبلغ .. ومافي خسارة ..

وياحبذا أن وحدة من مهندسات المنتدى هي اللي تستلم المشروع من حيث التصميم .. ويكون شغل مميز .. وممكن يطبق هذا العمل في أغلب الدول اللي فيها عضوات المنتدى .. يكون تصميم واحد في كذا دولة ... مثل مبنى اتصالات مثلاُ اللي من تشوفيه تعرفين أنه اتصالات ..

وعندما قلت يشارك فيه المعلمات .. لم يكن للحصر .. انما لأن المعلمات لهن مرتب ثابت فسيكون من السهل عليهن تحديد المبلغ اللي ممكن يجمعونه شهرياً ..- جمعية معلمين بس عالنت - ولا يمنع ذالك أن تكون المساهمة تاجرة أو غيره ممن يمكن أن يتوفر لديها المبلغ المطلوب ..

أقترح عندنا في الإمارات أن تتولى معلمة من كل منطقة لدينا أن تجمع أسماء المعلمات الراغبات في المشاركة بهذا المشروع .. وأن لا ننسى أي مدرسة أقصد مدارس الإناث والرياض وحتى التوجيه .. طبعاَ هذا إذا أبدت احدى الأخوات رغبتها بتبني ها المشروع .. ووجدنا الجدية في ذلك .. اسمها وبياناتها ( االمنطقة - المدرسة - الموبايل - قيمة السهم المراد المساهمة به - تاريخ امكانية توفير المبلغ ) وباقي العضوات يكون التسجيل على النت وممكن أن يتم التفاهم على الخاص عن البيانات مع من سيتولى ادارة المشروع لجمع البيانات المطلوبة .

وبعد أن نحصر قيمة المساهمات الجادة التي ستجمع في تاريخ 9/ 2008 م بإذن الله .

نبدأ بفرزها إلى متوفرة حالياً أو غير متوفرة حالياً .
ونبدأ بالبحث سوياً عن طرق لإستثمار المتوفرة منها كي لا تبقى مجمدة بلا طائل . سواء بالعقار أو بالذهب أو بأي فكرة قد تخطر على بال إحدى الخوات .

على فكرة ممكن نسوي محلات في الطابق الأرضي للبناية للأخوات تاجرات المنتدى بشكل عام وبذلك نضمن توافر سلع المنتدى جميعها في مكان واحد .. هاي الفكرة توها يات في بالي .. وبذلك نكون فعلاً سوينا شي مميز وخاص بالمنتدى . هيه وممكن نفتح بعد مكتب عقاري لنا نحن عضوات المنتدى .. نستكمل فيه ما بدؤوه خواتنا اللي كان عندهم المبلغ متوافر من الحين واستثمروه في العقار مثلاً ..

أدري انها فكرة جريئة شوي وفيها نوع كبير من المخاطرة لأن المبلغ اللي بنساهم فيه مو شوي 50.000 أو 100.000 درهم بروحها ثروة بالنسبة لنا نحن .. بالغصب نجمعها ..
لكن إن شاء الله متى ما توفر الشخص الثقة واللي له بارظ .. يتابع مثل ها الأمور.. والضمانات المقنعة والموثقة أكيد راح نسووي أشياء أكثر من جذييه بعد .

وفي الختام أتمنى اني ما أكون قاعدة أحلم حلم ما ممكن يتحقق .. أتمنى أن هذا الحلم يرى النور .. وأشوف بناية لي فيها ولو سهم .. وياليت تكون في الشارجة أتوقع طبعاً سعرها راح يكون أحن بوايد من اللي ممكن تكون في دبي .:26:

فكره حلووووه بعد بس لا تنسين راس المال با يكون كبير وتعرفين سعر العقارات طالع فوق يعني المبلغ بي الملاين

انا موضوع عباره عن اسهم ومن الاسهم نقدر نجيب بنايه انشاء الله اذا الله اراد وبعدين لا تنسون ان شركه الاتصالات الي با تنزل شهر 12 با نساهم با المبلغ كله فييها وشركه الاتصالات معروفه شركه ناجحه
وبعد اتخصيص با تنزل السوق وبا نبيع الاسهم الي با تتخصص لنا ونحطها فوق راس المال وكل ما نزلت شركه نكتتب فيها
يوم نكتتب في الشركه بكم السهم با يطلع علينا بدرهم بس ويوم با تنزل البورصه اقل شي با تنزل فوق العشره الدراهم

مع يحيات
اختكن اريام2

بالتوفيق للجميع :)

شو السالفه وين سيدات الاعمال وين الاراء

للرفع والتذكير