ولدي والخوف وأنا ادخلوا فأنا بحاجتكم

خواتي وينكم هذي ثقتي بكم فشلتوني
وانا اقول مافيه الا امهات حواء الغاليات بيساعدوني و11 قراءه للموضوع ومحد رد علي :icon33::icon33:

جربي تحطين في غرفته لمبه سهارية تكون خفيفة يمكن الظلام هو السبب وخلي الباب مفتوح شوي وباب غرفتك بعد
وطمنيه دائما ان بيتنا حلو ومافيه شي يخوف ومافيه حرامية وماما وبابا قويين ومن هالكلام
وترى اول مده راح يعارض لكن نيميه في غرفته ونامي معاه وكل مره ابعدي عنه شوي لحد ما تطلعين برا الغرفة
ولما يجيك بالليل رجعيه لغرفته

وترى العملية اول الايام مررره صعبه لكن الله يعينك ويحفظ لك اولادك

ضبطي غرفته حطي له في السقف النجوم الفسفوريه الي تنور في الظلام وحطي له صور لاصقه على الجدار باشكال السيارات والطيارات ولازم تحطين اخوه معه في الغرفه مو لوحده وحطي مسجل فيه قران في الغرفه وسمي عليه واقري المعوذات وحطيه بسريره وخليه يبكي شوي جمدي قلبك وقولي له بحزم ما فيه شيء يخوف ارجع نام طبعا بتتعبين معه في البدايه راح يجي كم مره غرفتك بس لا تيأسين كل ما جا رجعيه غرفته كوني حازمه معه وكل ما حطيتيه في سريره قولي شوف باب غرفتي مفتوح ما راح اقفله انا موجوده في غرفتي واذا تبي شيء ناديني واجي وقولي له شوف اخوك اصغر منك وما يخاف ينام في سريره (طبعا لازم اخوه معه في الغرفه )بس اهم شيء الاستمرار مو تطفشين وتوقفين على طول بس يجي غرفتك رجعيه غرفته وان شاء الله بيتعود وترى هذا غلطك من البدايه المفروض الطفل من ثلاث سنوات يبدا يتعود على النوم لوحده والحين لا تعيدين نفس الغلط مع اخوه عوديه ينام لوحده مع اخوه في الغرفه واهم شيء الحزم في هالموضوع لانه لو شاف منك الين ولا خليتيه كم مره ينام معك بعد ما يتعود ع غرفته ما راح يتعود اما اذا استمر خووفه بشكل مرضي لازم توديه لطبيب نفسي
الله يحفظهم لك يارب ويرزقك برهم

حبيبتي تاكدي طفلك زي ولد اختي اكتشفت انه فيه شغاله تخوفة حتى لو ما كان عندك انتي شغاله شوفي اذا كنتي تروحين لاحد وعندهم شغاله المشكلة ان الشغاله الي خوفة ولد اختي كانت تستهبل ولا هي عسل بس تحسب نفسها تلعبه تقولة ميو وهو يخااااف وانتبهي له من التلفزيون انا ولدي يخااف يقعد يحلم بالليل بالكرتون الي شافه اخر شي حذفت كل قنوات الاطفال وخليت المجد له وشوفي دوري بشي حولك تلقينه هو الي يخوفة ومو شرط شغاله تخوفة تلقين احد يلعب معه لعبه وهو يخاف منها او طفل اكبر منه يخوفة تعرفين الاطفال يغارون من بعض :) وياليت اكون فدتك بشي

شوفي حبيبتي

الطفل بهالعمر مايفرق بين الحقيقة والخيال ..انا ارجح انة يشوف مناضر او مشاهد خيالية بالتلفزيون ويتذكرها وقت النوم ..اجلسي معاة عند التلفزيون واضحكي على اللي يشوفة وفهمية انة خيال ومافي شي كذة بالواقع..واذا انتي مدرسة وتتركية نايم انتبهي من اللي يضل معاه بالبيت احتمال ياذية مو شرط جسديا يمكن تخويف او تهديد باشياء خيالية ..عشان كذة يصر انة يتمسك فيك وقت النوم ...

اللة يعينك علية ويصلحة ويهدية