معلمات الابتدائي ابتلش بام طالبة غصب تبغاني اعطيها واحد وش الحل مع تهديداتها

بسم الله الرحمن الرحيم

اخواتي وخصوصا المعلمات

انا عندي طالبة مستواها ضعيف جدا حتى قراءة وكتابة ماتعرف

هي بالمرحلة الابتدائيه صف الرابع

انا ادرسها رياضيات
تعبتني جدا ولكن في الفترة الاولى اخذت واحد بعد الاعادات ودروس التقوية
الان بالفترة الثانية ما اتقنت مهارة القسمة
قسما بالله شهر وانا اشرح بالمهارة ولكن لم تستوعب
والادهى الام كارهتني تبغاني انجحها وادفها
وانا اقول لا هي تحل ولا تاخذ 4
وبعد كثرة المحاولات تهدد تقول لو اعطتيها 4 اخنق وكلام مالة داعي وتقول انتي حاطتها براسك تبغين ترسبينها ؟؟
ولا والمصيبة جالسة عندي وقت اتقويم تدخل في الشرح او تغشش بنتها :16:

اليوم جات والله لسى ما قومتها بس شرحت خطوات وخلتيها تحل علىورق ابيض بشوف فين الطالبة تغلط عشان اساعدها اكثر وبالنهاية عصبت علي بدون مقدمات والله ماني عارفة السبب ؟
تقول والله لاشتكيلك للرئاسة وما ابغاك تختبرين بنتي وانا اددفع فلوس وما ادري ايش
يعني كله هذا عشان ما مشيت بنتها
والله حرام لو نجحتها هذا بحذ ذاته ظلم
البنت نجحت من قسم التوجيهي وهي ما تعرف تقراء وتكتب ولاعندها اي تاسيس
احنا بالبداية شكينا انها صعوبات تعلم وودنها لقسم الصعوبات قالت ما فيهاشيء بس هي ابدا ما عندها تاسيس

بالله ايش اسوي مع الام هذي وتهديداتها
وينها من اول ؟

مع العلم ان المدرسة اهلية
يعني الام صح والمعلمة غلط :06: