فرناز @frnaz
عضوة شرف في عالم حواء
قررت اهديهم كل عيد بعد اللي شفتوا ؟؟؟
كيفكم وكيف العيد .. ماشتقتوا للمدرسه :42:<<<<< تحب التنكيد ..
اول يوم بالعيد رحت لاهلي سلمت على امي وخواني وبعدين سلمت على الشغالات ..
المهم بعد تقريبا ساعه من جيتي رحت المطبخ ، وكانت شغالة امي و وشغالة واحد من اخواني
كل وحده جالسه على كرسي وبعيونهم نظرة شوق ، حزن ، الم ؟؟ والله مادري وش اسمي نظرتهم في يوم العيد ..
آآآآه يابنات والله اني تألمت داخليا حسيت انهم يفكرون بأطفالهم و دهم يشاركونهم فرحتهم في هذي اللحظه ..
اكيد سرحانهم هذا كل وحده تتذكر امها وابوها وزوجها ووو ، المهم جلست شوي اسوي كم شغله وانا احاول اتأخر ؟؟
لاني كنت اتمنى اشووفهم يتكلمون يضحكون ، بس للاسف خلصت اللي بيدي وهم نفس الشي يفكرون والدموع بعيونهم ..
اكيد بتقولون يتهيئ لك ان هذا وضعهم ؟؟؟
لا والله ، ولا يغركم اول ماتقابلونهم اكيد بتكون الوحده مبتسمه ..
وهذا حالهم وهم لابسين جديد واهلي يهدونهم ويفرحونهم بالاعياد ،، وكلهم نفس الجنسيه ..
اجل كيف اللي عند ناس يكرفونهم ولا يحسون فيهم ولا حتى يقولون لهم كلمه زينه ؟؟؟؟
مااقول الا الله يديم علينا النعم اللي احنا فيها ويجعلنا من الشكورين .
وطبيعي اصعب لحظات عليهم بتكون صباح اول يوم بالعيد ، اما الظهر والعصر وباقي اليوم حدة الشوق تخف ..
وبصراحه تحسفت وانقهرت اني ماجبت لهم هديه تفرحهم ، المهم فتحت شنطتي ولقيت خمسه واربعين ريال ..
عطيت كل وحده فيهم عشرين وقلت هذي عيديه ، وتفاجاءت بردة فعلهم ؟؟؟ ضحكهم واصواتهم صارت عاليه اوووووه مدام شكرا شكرا ؟؟
يالله عشرين سوت كذا ..!!!
بصراحه ابدا ماتوقعت انهم يفرحون بهذي الطريقه ، بالذات اهلي دائما يعطونهم شي يرضيهم ،
والله عطيتهم وانا خجلانه بس قلت افضل من لاشي ..
يوم شفت فرحتهم ذكرت حديث الرسول صلى الله عليه وسلم ..
بصراحه قررت اشتري كل عيد هدايا لشغالات العايله ( شغالة امي واخواني و اختي) واهديهم وادخل السرور بقلوبهم ..
عاد كيف اذا فرحتي وحده ضعيفه فقيره تاركه اهلها وجايه بدون قريب ولا صديق ..
والهديه كل وحده حسب قدرتها ولا تستهترين بشي مهما كان بسيط ترى هي على المعنى ..
ولو نلفها بتكون فرحتهم اكبر لانهم بيشعرون بنوع من الاهتمام ..
89
7K
يلزم عليك تسجيل الدخول أولًا لكتابة تعليق.
عندووله
•
الله يجزاكي خير
الصفحة الأخيرة