السلام عليكم ورحمة الله وبركاته
حبيباتى بنات عالم حواء انا اخت ليكم مصريه أشهد الله انى احبكم فى الله
انا منذ تزوجت كنت جالسه مع اهل زوجى و طبعا عارفين مرتحناش مع بعض واجرنا شقه معاهم فى نفس العماره ايجارها كان 400 جنيه وبالعقد زياده 10% وصل دلوقتى ل 580 يعنى 600 بشهرية البواب
دلوقتى المبلغ بقى كتير اوى علينا لأن زوجى راتبه 2200جنيه وطبعا معايا 3 اولاد الله يحفظهم اتنين توأم عمرهم 6 سنين فى اولى ابتدائى و انس عمره سنتين تقريبا وانتو طبعا عارفين المصاريف
ده غير ان الشقه ايجار مؤقت و كل شويه صاحب الشقه يقول هبيعها ولسه من ايام كان جايب ناس يتفرجوا عليها
فقررت او فكرت ناخد شقه ايجار دائم
عجبتنى شقه طالبين فيها 25000 وطبعا على الطوب يعنى على ما اوضبها توضيب متواضع محتاجه كمان 25000ج
وايجارها 400 بدفع 200 و الباقى بيتخصم من المقدم
طيب هتقولولى فين المشكله
المشكله انى محتاجه ان انتو تدعولى بصدق انى الاقى حد يقرضنى المبلغ ده قرض حسن لأن المشكله ان القرو البنكيه عندنا فى مصر ربويه
وبدور على حد من اصحابى او اهل الخير يقرضنى البلغ
أكتر حاجه وجعانى اوى انى للأسف ليه اخوالى ما شاء الله ربنا فاتحها عليهم عمى ومع ذلك ميردوش يسلفون رغم انى داخله جمعيات وهسدد نص القر فى خلال السنه دى و الباقى بعد سنتين
لكن مش عارفه ليه اقرب الناس من الاهل ميردوش يساعدوكى
بالله عليكم يا بنات ادعولى لانى فعلا نفسى اخد الشقه واستقر انا و زوجى واولادى واعرف اصرف على ولادى كويس لان الايجار و الجمعيات مخليين الراتب لا يمكن يكفى لاخر الشهر
و الله ماليش غير ربنا اشكيله و اطلب منه العون
بس اكيد انتم كمان مش هتبخلوا عليا بدعاء فى جوف الليل
أم أنس العسول @am_ans_alaasol
عضوة جديدة
يلزم عليك تسجيل الدخول أولًا لكتابة تعليق.
دلال2012
•
الله يرزقك من يقرضك ويفتحها علينا وعليكم من اوسع ابوابه
أسأل الله الكريم رب العرش العظيم ان يكفيكم بحلاله عن حرامه ويغنيكم
بفضله عمن سواه اميييييييييين
عليكي بكثرة الاستغفار والصلاة على النبي والدعاااااء والصدقه وكل مايقربك
من الله لنيل رضاه
اللهم صل وسلم على نبينا محمد
بفضله عمن سواه اميييييييييين
عليكي بكثرة الاستغفار والصلاة على النبي والدعاااااء والصدقه وكل مايقربك
من الله لنيل رضاه
اللهم صل وسلم على نبينا محمد
الصفحة الأخيرة