يلا بنات .. الفزعة .. لمدة شهر نسوي خلطة ام مارية المضمونة اللي تطول الشعر يلا من معي

:icon28: السلام عليكم

وشحالكن فتايا وحشتوني ..

المهم مانطول .. اللي تبا شعر طويل صحي كثيف لمعان تسجل اسمها معنا .. على ضمانتي لاني اللعام مجربتها لمدة اسبوعين وماكذب عليكن .. فرق فرق صار بشعري ..

شرط تتحمل الريحة وعندها صبر عليه .. وتستحمل .. هو شغلة نص ساعة كل يوووم ..

هي مجموعة زيووت تخلطينها وتحطينها على شعرك لمدة نص ساعة يوميا لمدة شهر
من عند ام مارية

زيت الخروع + زيت السمك + زيت الزيتون + زيت جوز الهند + ماء البصل + بيضة
وأنا اضفت عليهم : زيت اللوز + زيت السمسم + زيت المحلب + زيت جرجير

طبعا كل هالزيوت تلقينهن عند العطار روحي له وقولي له يعطيك اياهن ..:26:

من كل شي ملعقة ونخلطهن ونحطهن نص ساعة ..

ماء البصل تاخذين بصلة وتقطعينها اربع قطع وكل قطعة تقطعينها نصين .. يعني المجموع 8 قطع وحطينهن بالخلاط تبع البصل ولاتخليه يصير مرة شوي بس وشيليه وبعدين البسي قفازات واعصريه ويكفيك لمدة خمس ايام .. تحطينها بعلبة واغلقيها زين وحطيها بالثلاجة

ورجاااااااااااااء لاحد يستفسر او شي اللي تبا تجرب تسجل اسمها وكل اسبوع نحط النتايج ولمدة شهر .. وإذا مرة راجعو موضوع ام مارية

وقبل مانبتدي كل وحدة تقيس طول شعرها بالمتر وتشوف حالته وتخبرنا كل اسبوع عن النتايج
واللي تستخدمها بنفس مااقولها بإذن الله شعرها ماراح يتضرر
بعد ماتغسلي شعرك تستخدمي كمية شامبو جدا قليلة وتختار شامبو زين لشعرها انا حاليا استخدم دوف اثنين بواحد .. وكل وحدة تشوف شو نوع شامبو المناسب
وبعدين حمام زيت مناسب لنوع شعرك وبعد ماتفرغي تغسلي شعرك بموية النسكافية لجل الريحة تروح
ملعقتين صغار نسكافة وكاس موية واغسلي شعرك بها وتروح الريحة وطبعا حمام الزيت عشان الشعر مايتضرر من البيض لان البيض بطبيعته يكثف

واللي معرسة لاتسويها الا اذا زوجها راح عنها لاتقتلني


ورجااااااااااء لاحد يستفسر عن شي انا وضحت كل شي اللي تبا يلا تسجل اسمها من الربوع نبتدي بإذن الله