حلى الراميسيو

السلام عليكم ورحمت الله وبركاته


انا يوم الجمعه سويت هاذا الحلى واخذته معي عند عماني

المقادير
4/3 علبة كريمة الخفق مو الصغيره الي اكبر شوي ***8حبات جبنه كيري***علبة قشطه***سكر ناعم حسب الحاجه

(يعني انتي وذوقك) بسكويت اصابع الست****مويه ونسكافه اتغميس البسكويت***كاكاو بودره مره

الطريقه
نخلط الكريمه والسكر شوي ثم نضيف الجبنه ونخلطه زين ونضيف القشطه ونخاطهم زين لين يتجانس الخليط وتختفي قطع الجبنه

(انا بصراحه ضفت له ملعقه جلتين مذوبه في ربع كوب ماء حار لاني كنت ابغاه يجمد بسرعه لاني سويته الظهر ومشينا العصر والدنيا حر موت فخفت يذوب وانا في السياره)

نجيب الصينيه الي تتفك جوانبها الشكل المربع ونبدى الشغل
تصف طبقه من البسكويت المغمس في نسكافه ثمطبقه من الخليط ثم نرش الوجه بكاكاو بودره
ثم نضع طبقه من البسكويت ثم باقي الخليط وترش الوجه باكاكاو نترك الحلى يبرد في الثلاجه ليله كامله انا حطيته في الفريزر لاني مستعجله

ولما يبرد قدميه وكليه بالهنا والعافيه وانا ماقطعته لاني اخذته معي عند الناس