شوفي يا عمري انا اشوف الافلام اكلها خاص ولها صندوق للحمام اكرمك الله ووحطي لها سلة تنام فيها واشتري لها العاب وحركات


معليش ما فدتك اسفة بس سوي بحث في قوقل



لا اله الا الله محمد رسول الله اللهم لك السلام ومنك السلام تباركت يا ذا الجلال والاكرام

ورق عنب الله يسعدك على المرور اللطيف
فعلا البحث في القوقل راح يفيدني بس ابغى وحده مربيتها علشان اسألها عن كل حاجه في بالي

مرحبا حبيبتي ..
ياحبي للقطاوه ويازينهم والله خخخخخ

والله احلا هديه ..
انا كان عندي قطوتين وحده من 14سنه وأمي صرفتها يازينها شيرازيه ويحليلها وأليفه بس قبل 14 سنه صراحه بعدني ماعرفت حركات الدلع حقت القطاوه كنت ماأهتم فيها كثير بس اعطيها الأكل طبعا وأروشها وامي كانت حالفه ماتدخل البيت بس بالحوش أهئ أهئ ..:09:

بس لما كبرت وتمردت هههههههههه جبت قبل سنتين قطوه ثانيه تدنن بيضاء وعمرها شهرين وااااااي على هالقطوه

ودخلتها البيت وياحليلها سوت لنا جو والله حتى امي حبتها وخلتها داخل >>>سبحان مغير الأحوال خخخخخ

المهم انا خذيت من المحل البوكس حقها اللي تحطينها فيه يجي بلاستك ومفتوح من جهه وحده (شبك) عشان لاتنكتم طبعا

لما خذيتها من المحل يازينها وهي بالبوكس تطل علي من فتحات الشبك خخخخخخخ ومطلعه خشيمها يالبا قلبها :hahaha:
طبعا الصندوق بتستفيدين منه لما تجين تودينها العياده لو مرضت او وقت تطعيمتها لما تكون صغيره ترى تحتاج تطعيمات خخخخخ
ولما تسافرين هم اريح تحطينها فيه ..

خذيت لها بعد حوض بلاستك مخصص لقضاء حاجتها تكرمين يكون مستطيل او مربع شوي كبير
وأخذت كيس فيه مثل الحبيبات ينحط بالحوض يعني فيه ناس تحط رمل بالحوض عشان القطو لما يقضي حاجته يروح للرمل بس طبعا الحبيبات أنظف وأحسن وميزتها انه لما ينزل بول القط (اعزك الله) عليها يتحول لجل..و مايطلع لا ريحه ولا هم يحزنون ..

تدرين الرمل ممكن يوصخ وممكن يلزق بشعر القطوه:22:
وتراها تتعلم بسرعه على مكان حاجتها..وشلون تعرفين انها تبي الحمام اعزك الله تلاقينها تحن (مياو مياو)>>أحلفي بس:hahaha:

والله العظيم سبحان الله تحن ورى بعض وتدور تحسينها كأنها تدور شي ..اعرفي وقتها ان فيها شي ..وديها بس مكانها وهي تعرف على طول تروح له مره ثانيه لحالها ..

امممممم للنوم خذيت لها مثل السله الكبيره وداخلها فرو >>>انواع الدلع
وخذيت لها شريط أحمر معلق عليه جرس صغير خخخخخخ
عدة النظافه :
حوض صغير عشان اروشها فيه طبعا خذيته من محلات الادوات المنزليه يعني (طشت)عادي
شامبو مخصص للقطط من نفس المحل
فرشاة للشعر عشان تسرحينه لما تنشفينها
وهم شريت لها فوطه وخصصتها لها

شريت لها كورتين صغار كانت تموووت بالكور تركض وراها خخخخخخ
وشريت لها دبدوب صغير كانت تكرهه ولما تشوفه والله تقعد تقطع فيه وتعضضه خخخخخ

وبالنسبه للأكل كانت تاكل أكل البيت عادي بس اهم شي يكون مطبوخ ولا فيه فلفل والحليب بعد تحبه مره ..
حطيت لها مره قطعة صغييييره دجاج ني يعني غير مطبوخ عيت تاكله >>>بنت عز خخخخخخ

طبعا ماتهنيت فيها ابد اول يوم جبتها فيه من بكره إلا القطوه دايخه وماتتحرك كثير يعني من جبتها ماشاء الله عليها بس تركض وتتنطط
حسيت ان فيها شي على طول وديتها الطبيب البيطري طلعت مسكينه مسخنه خخخخخخخخخخخخخ
والله العظيم ومعاها حراره لاني روشتها اول ماجبتها البيت ولانشفتها زين وطبعا المكيف كان شغال ومرضت المسكينه
ماكنت ادري ان القطاوه تمرض ..
وعطاها دواء ومضاد حيوي ...
سبحان الله بعدها بكذا يوم قام اخوي يعاطس وعيونه تصير حمر من تجي يمه يعني جابت له مثل الحساسيه وراح أخذ تطعيمه حق حساسية القطط ولافادت سبحان الله تم على نفس وضعه اذا مرت من عنده تجيه الحساسيه وبس يروح عنها ساعه يرجع طبيعي .. على انها مطعمه ونظيفه والحمد لله كلنا عادي ماجانا شي إلا هو ...طبعا هو كبير مو صغير يعني عمره 18 بس مدري ليه صار معه كذا :(
قلت والله اخوي اهم منها ..ووديتها عند ناس يحبون القطاوه ..

وسلامتك ..

واي استفسار او سؤال أنا حاضره

يا عمري بس شغلة شكلها تهبل

:oفله وأخوها عله
الله ينور دروبك ياشيخه والله انك فله بجد
حمستيني بصراحه انا اقرا واقول باخذها باخذها ان شاء الله لحد ماوصلت لموضوع الحساسيه اللي عند اخوك احس انصدمت لاني بالاساس عندي حساسيه بعيوني وصدري وخشمي بس املي في الله كبير والطب تقدم :(