نسكن في ذلك المكان
احلى الايام واعذبها كانت فيه
عش كل اسره تستظل فيه
بعد عناء يوم متعب نهرول له
ونرمي باجسادنا في احضانه
انه بيتنا .. كوخا كان..
ام شقةً في اعالى المباني
او قصراً فارها
لمسات صغيره تضفي جوانب لامعه وروحا جميله لمنازلكم،،
اللمسه الاولى
المكتب
عندك ملفات العمل واوراق كثيره وبدال ماهي متنثره بالصاله وغرفة النوم
يمكن عمل مكتب صغير في زواية صغيره لاتحتل مساحه كبيره من المنزل
تحتوي على :
مكتب (طاولة)
رفوف
ادراج للملفات
ويمكن تزين المكتب ببعض الاكسسوارت مثل صوركم او شهادتكم
وبعض التحف الناعمه
اللمسه الثانيه
لوحة الاعلانات
او
Bulletin board
هذه اللوحه تعلق عند زاوية المكتب او ممكن بالمطبخ
وممكن تحتوي على التقويم وعلى المواعيد المهمه او ملاحظات تذكيريه
(فااااااااتورة الجوال :confused: مقاضي البيت .... الخ )
اللمسه الثالثه
ترتيب خزانة الملابس
ترتيب خزانة الملابس
ترتيب دواليب الملابس من اهم الاشياء لانه تنظيمها وتنسيقها
بيخليكم تلقون الملابس بسهوله
وتتخلصون من مشكلة التنبيش وتدورون على شي مابين الطعوس
<<<< اذا جت تروح لعرس يمر اعصار على غرفتها
· اولا قسموا الخزانه الى اقسام( الفساتين، الثياب ، الارواب،الجاكيتات تعلق بالمعلاق)
· اما التنانير والبنطلونات المصفطه ففي قسم ثاني
· يفضل لمزيدا من الترتيب تصنف الملابس حسب الالوان<<< وحده فاضيه
· تاكدوا انه مافي شي يخزن لللموسم القادم الا وهو نظيف
· الملابس اللي تحتاج تنظيف جاف حاولوا انها ماتكون مغلفه بالبلاستيك استبدلوا الغلاف بالقماش
· لانه البلاسيك يسبب رطوبه للملابس وتخرب عليكم
· الملابس الصوفيه او الحريريه لاتكون محفوظه بمكان مافيه تهويه فهذي الانسجه
· تتغير جودتها اذا لم تحفظ بمكان تهويته جيده
· قبل تخزين الجاكيتات الثقيله احشوا الاكمام باي ااوراق وا اقمشه حتى تحافظ على شكلها ولاتتكسر
ويمكن توفرون مساحه بالتخلص من صناديق الجزم وتحطونها باكياس قماشيه
عشان تحافظون على الجلد لاينحك وا يكون عليه خدوش تشوهها
دورة المياه (الحمام)
هذا المكان على قولتهم بيت الراحه :rolleyes: ووده الواحد يدخله وهو مشروح الخاطر
فيه اشياء كثيره لازم تنظم بشكل حلو يعني
فرش الشعر. فرش الاسنان ، ومعجون الاسنان ، امواس احلاقه ،
عيدان القطن كلها ذي صعب تنرص بشكل مرتب الا اذا ممكن حطيتوا صندوق
يكون به رفوف ومثلا عشان نكشخه شوي ممكن نجيب كوب خفيف دم ونحط فيه القطن
وكوب نرص فيه فرش الاسنان ومعجون الاسنان او ممكن امواس الحلاقه
ودايما نحافظ على نظافة الرفوف والاشياء ونرجع كل شي مكانه
اللمسه الخامسه
ازالة بعض البقع العنيده
بقعة الشاهي: تشطف البقعه بعصير الليمون لازلة لون البقعه وبعدين تغسل بمبيض
بقعة القهوه: تشطف البقعه بالخل وبعدين تغسل بالصابون
بقعة الدم : تنقع البقعه في مويه مالحه وبارده وبعدين تشطف بالخل
علكه عنيده: وانا بالكليه لصقت بتنورتي علكه اعوذ بالله عييت تطلع غسلتها بالصابون
وبرضه لاصقه المهم جبت ثلجه وفركت العلكه تجمدت وقشعتها
اللمسه السادسه والاخيره
كيف ترتبون شنطة السفر
سكة سفر فيها مشاوير العمر
وفي السفر 7 فوائد ولاحد يسالني وش هم :
اولا حدد وش نوع السفره
رحلة عمل ؟
رحلة سياحيه؟
رحلة لحضور زواج او مناسبه عائليه؟
رحلة شهر العسل
عشان تعرفون وش الاشياء المهمه اللي تاخذونها معكم
طبعا ودكم يكون كل شي يكون مرتب
لكن لو رحلتكم للبر او للغابه<<<هين
فلو الملابس محيوسه عادي نوبروبليمو
اذا كان هناك بدلات او فساتين سهره تنلف بورق وتغلف باكياس خاصه للملابس
الجزم والكتب واالاشياء الثمينه الثقيله يفضل تنحط بشنطه منفصله
اذا كانت هناك ملابس قماشها رقيق مثلا زي الحرير الطبيعي يفضل تنحط بوسط ملابس صوفيه
او ملابس انسجتها متينه عشان تحفظها
<<<<<تمصع ظهرها وهي تكتب بالموضوع
الملابس الداخليه تنحط بكيس قماشي بلاش فضايح اذا فتشوا الشنطه
لاستغلال المساحات الضيقه ممكن تلفون الملابس العمليه زي التي شيرتات
على شكل ورق عنب او سبرينج رول<< خخخخ فشيله ماعرفت اوصف الطريقه
اقصد بشكل اسطواني
بالنسبه للمجواهرات ، النظاره الشمسيه، جواز السفر، الخرائط
والفلوس تكون في شنطة يدويه تشيلونها في الطياره معكم
حركه سريه : اذا تعبت الشنطه وباقي اغراض ماحطيتوها فيه طريقه عشان
تحشرون باقي الملابس
سكروا الشنطه وشيلوها وانطلوها اكثر من مره وبعدها افتحوا الشنطه وبتلقون مكان فاضي :D