جايبة لكم طبق مكرونة بالكريمة والبروكلي انما ايه ..لذيذ وسريع ويفك أزمة لما يكون الواحد جوعان ومقاديره قليلة وسهلة وينفع يتقدم في البوفيه لأنه لذيذ وماياخذ وقت في التسوية... وللأمانة انا شفت الطريقة في موقع وجربتها وطلعت يممممميييي تعالوا شوفوا
ملاحظة...ماصورت الخطوات لأني ماقررت انزل الوصفة غير بعد ما انتهيت ..اصلا الطريقة سهلة ومو بحاجة خطوات بس احب اطمنكم صورت الشكل النهائي^_^
______
مكرونة قواقع او حلزوني اللي يعجبكم بس ماتكون سباقيتي..انا اخترت الحلزوني
كوب بروكلي مقطع وسط
كوب كريمة خفق
نصف كوب جبن بارمزان
ملعقتين كبار زبدة..او ملعقة واحدة كفاية اذا الكمية قليلة
ملح_فلفل اسود_اجينوموتو(ملح صيني)
....
الطريقـــــــــــــــــــة:
1- نسلق المكرونة في موية وملح وشوية زيت كالعادة.
2- نطبخ البروكلي عالبخار بوضعه في مصفاة داخل قدر اسفله ماء ساخن على النار (نصف استواء) تقريبا 7دقايق
3-ناخذ مقلاة ونضع الزبدة الى الذوبان وبعدين نضيف المكرونة بعد مانصفيها ونقلب دقيقة وبعدين نضيف البروكلي ونقلب ونضيف الملح والفلفل والاجينوموتو ونقلب ..بعد كذا نصب الكريمة ونقلب بهدوء الى ان تغلي وتتسبك شوية من 7الى10 دقايق ونطفي ونضيف الجبن البارمزان ونقلبه مع المكرونة لحد مايذوووووب امممممم وتقدم وهي حـــارة...
وهذا الشكل النهائي للطبق
طبق من اروع مايمكن
عسى ربي يسلم ايدياتك ويحرمها عن النار
يملا العافيه والله