السلام عليكم ورحمة الله وبركاته
خواتي انا قبل فتره نزلت موضوع اشتشيركم بموضوعي انا زوجي
انه كان يضربني ويحقرني ومع ذالك سامحته وصبرت علشان عيالي
ومن البكره صارت هوشه معاه وضربني كف وطردني من بيته وقال لي اذا جيت ولقيتك في البيت راح اكسر عضامس
واتصل على ولدي وقاله اخذ امك ودها عند جدانك
المهم رحت عند اهلي
وبعد اسبوع صار يرسل رسايل تهديد انه راح ياخذ عيالي مني ويحرمني منهم
او ترجعين بدون شروط
واهلي رافضن >>> وين كرامتس
وبعدها قطع عنا المصروف واخذ مفتاح الشقه علشان ما نجي ناخذ ملابسنا
انا والله حتا ملابسي الي علي الحين ارواب خواتي
ارسلت له ولده قلت له قوله امي تبي ملابها هي وخواني رفض
واعيالي يدرسون
طلبت منه يرسل مصاريف العيال رفض قال خلو امكم تصرف عليكم
وش اسوي
اما ارجع له ذليله ومكسورة الخاطر
او يقطع عن عياله المصاريف
وانا والله استحي اطلب اهلي ريال واحد لان ضروفهم صعبه يدوب يصرفون على انفسهم
انا ودي اتوظف بس والله ما عندي واسطه ابد ابد ولا اعرف احد ولا احتكاكي بالناس كثير
وما عندي شهادات عليا حدي ثنويه عامه ودبلوم سته شهور
وفي تقديم للوظايف بس والله اني عارفه محد قابلني ابد غير بالواسطه
وش اسوووي والله لي كم يوم لا انام ولا يهنالي نووم من التفكير في عيالي وحالي الي مدري شيصير له
مدري ارجع له وانذل وانضرب واكل تبن
ولا اقدر اصبر على فرقا عيالي
وش اسووووي
الي عندها واسطه توسطلي بالوظيفه
والله والله والله اني بأمس الحاجه لهاا على اقل شي اصرف على عيالي منها واعز نفسي
لو يطلقني كان صرفت عليهم من الشووؤن
بس العين بصيره واليد قصيره
عقدالماس @aakdalmas_1
عضوة نشيطة
يلزم عليك تسجيل الدخول أولًا لكتابة تعليق.
خالة سيف
•
قطعتي قلبي...الله يفرج همك ويسخرلك رجلك
اللهم رده لهم رد عزيز مقتدر اللهم حنن قلبه عليهم
واجمع شملهم وانزل سكينتك وعطفك عليهم آآآآآآآآآآآمين
اللهم رده لهم رد عزيز مقتدر اللهم حنن قلبه عليهم
واجمع شملهم وانزل سكينتك وعطفك عليهم آآآآآآآآآآآمين
الصفحة الأخيرة
تشاوري مع عيالك قولي لهم روحو له عيشو معه فترة خليه يجرب العيال ان مارجع لك وعيونه اربع