لعلي اجد عندكم راي سديد

السلام عليكم ورحمة الله وبركاته
بدخول في الموضوع على طول
اناا جيتكم طمعا في اخذ راي من اهل الحكمه والرأي وياليت القى عندكم حل
هذا ياطويلات العمر زوجي الله يهديه تعبني واتعب عمره معي
السالفه تعتبر تافهه بس هو مخليها شي عظيم
انا عنديولد وبنت وتنفست بالاثنين في بيت اهلي وبعد ولدي الثاني تعرضت لعارض صحي
وفي جميع الحالات السابقه يقوم فيني اهلي طبعا من ناحية الخدمات والوالد مايقصر يجيب لي بعد مقاضي من عنده يعني تطوعا ما ينتظر زوجي يجيبها
وانا من بدايه زواجي اروح لاهلي بدون اي حساب متى ما بغيت طبيت عليهم
والمصون زوجي من شهر وشوي طالع لي بطلعه جديد ما يخليني اروح دايم
طبعا احترمت رغبته وصرت اروح لهم يوم رسمي والباقي حسب مزاجه ان سمح
وفي الوقت الحالي اهلي عندهم اختي نفاس ولازم وبحكم الاصول والواجبات لابد اني اكون من اول الحاضرين في استقبال الضيوف ردا للجميل طبعا
والناس يجونهم فقط اربعاء وخميس
قالي زوجي مافي تروحين الا يوم واحد اختاري ربوع ولا خميس رديت عليه بروح الاثنين لاني برد لهم الجميل
رد علي بقوله: اذا رحتي شيلي شنطتك معك
قلت بروح
يوم جاء يوم الاربعاء وانا خارجه قال تراه يوم واحد يعني بكره مافي روحه يقصد اليوم قلت الا رايحه
قال اجل تعرفين اش قلت وخذيه معك
انا هنا قهرني زياده فرديت ابروح لان الي يبيعني ابيعه بعدين قلت وعيالك وين تبغاهم معي ولا معك هو سكت وانا خرجت من عنده
سؤالي لو كنتي مكاني وش بتسوين خصوصا ان وجودك عند اهلك لابد منه خاصه ان كل من جاء راح يسأل عنك
ولا تنسون عباره خذي شنطتك معك لانها قهرتني
انا بصراحه بسبب العباره احس اني مصره على الروحه
بس قلت اول اشوف راي غالبيتكم كيف بيكون
واسأل الله انيكتب لي ولكم الخيره