اهلا خواتي :39:
كنت اتمنى لو اني اعرف انزل صور كان وريتكم شكله :44:
بس تراه سهل مررررررررررره وانا كل عصوريه اسويه
ومفيد وخاصه للاطفال
المقادير
2حليب السعوديه كامل الدسم
5 ملاعق حليب نيدو
5 ملاعق نشا
سكر
شوي هيل
4 حبات كيري
زعفران
الطريقه
1-تخلطين جميع المقادير السابقه مع بعض في قدر ماعدا الكيري والزعفران
تخلطينهم جيدا قبل لاتحطينهم على النار وتذوقينه عشان تعرفين انتي وزنتي السكر ولا لا
2-تضعينهم على النار وتخلطين بشكل مستمر الى ان يجمد الخليط ويكتل على بعضه
هنا تضيفين الكيري وتخلطين جيدا بسرعه وتطفين النار
وتحطينه ببايركس متوسطه وتضبطينه بالملعقه
اواذا عندك صحن تقديم حلو شكله وله جوانب مثل البايركس يكون احسن
واخيرا ترشين عليه شوي هيل وزعفران
وتلاقينه بعد دقايق جمد وتماسك تقطعينه وتقدمينه مع القهوه
وبالهناء والعافيه:)
واللي تصلحه ياليت تنزل صور له في المنتدى
ودعواتكم ان ربي يسهل علينا امورنا انا وزوجي ويفك ديننا
نجمه متلئلئه @ngmh_mtlylyh
عضوة فعالة
يلزم عليك تسجيل الدخول أولًا لكتابة تعليق.
ام الغلاااااا
•
مشكوره والله يعطيك العافيه
الصفحة الأخيرة