السلام عليكم ورحمه الله وبركاته
شو أخباركم إن شاء الله بأحسن حال
حبيباتي أنا والماما سوينا عشاء خفيف ومررررررررره لذيذ:7_2_103v:
وقلت يلا أصوره للحلوين
الزهرة المقلية
المقادير
زهره مسلوقة
التتبيله < والله مادري اسمها كذا أو لا >
– 2 بيض -2طماطم -2ملعقه صلصل – 3ملاعق كبيره دقيق الكويتي -2فص ثوم -بهارات وملح
و القزبره حسب الرغبة
الطريقه
أولاً : سلق الزهرة تقريبا ربع ساعة
ثانياً :في الوقت اللي الزهرة تنسلق نحضر الخلطة في الخلاط نضع الطمام مقطعه والصلصل والبيض
والدقيق والبهارات والملح والدقيق الخلطة لازم تكون شوية ثقيلة عشان ماتنزل في الزيت مع القلي
وإذا خفيفة تزيد دقيق
وهذا شكلها بعد الخلاط
وبعدين نخرج الزهرة من الماء الساخن
هذا شكلها بعد السلق
ثالثاً :نغطي الزهرة من الخلطة
ثم نضعها نصف ساعة في الغريزة <ضروري نضعها في الفريزة عشان تتماسك >
رابعاً : بعد خروجها من الفريزة نكون محضرين الزيت للقـلي
خامساً :نخرجها بعد ما يصبح لونها ذهبي على مناديل
في الأخير تقدم بالهناء والعافية
حضرنا معاها بطاطس
شكلها بعد التقديم
واوووووو ياليت تذوقونها روعه يابنات خاصة اللي يحبو المقليات
و أتمنى تجربونها وتقولولي كيف طلعت معاكم
أول مرررررره أحط في هذا القسم فلا تبخلوا علي بالردود الحلوة
وأي سؤال أنا جاهزة