بسم الله الرحمن الرحيم
اولا انا حبيت اكتب لكم تجربتي في هذا المستشفى ويشهد علي الله ان كل الكلام الي راح اكتبه صدق ومافي اي كذب ومبالغه ويشهد علي الله اني كتبته عشان اعم الفائده للي تبي تولد فيه او تفكر ومالي اي مصلحه لا في ذمه ولا مدحه
انا في حملي مثلي مثل اي وحده تدخل هالقسم عشان اخذ فكره عن افضل مستشفى في الشرقيه للولاده واخذ خلطات لتسهيل الولاده ومن هلاشياء الي تعرفونها قريت خلطات كثير الصراحه واستقريت على هالخلطه
http://forum.hawaaworld.com/showthread.php?t=2802614
وبالنسبه للمستشفى اخترت بروكير والي شجعني مدح البنات بشكل خيالي المهم انا في حملي كنت تعبانه كثير ويجيني طلق دايم من نهاية السابع وهذا يصير لي في كل حمل لي دايم كذا
دخلت الشهر التاسع وكان الالم مستمر وتعبت كثير المهم يوم صرت في اسبوعين التاسع بديت استخدم خلطة الاخت هذي ولاحظت اني اذا شربتها يختفي الم الطلق ولا احس فيه وكنت مستغربه معقول مثل ماقالت الاخت ان يفتح الرحم الين 7 سانتي من غير ماحس بشي استمريت على الخلطه الين في يوم كنت نايمه وصحي نزل علي موية بس شي بسيط جدا يعني مثل البقعه بس وبعدين سويت لي من الخلطه حقتها وراح الالم وبعدها بساعتين نزل علي دم وانا اول مره يصير معي كذا انا العاده تنزل المويه قبل الطلق واجلس بالمستشفى الين اولد هذي المره غير نزل علي دم مثل الدوره وانتظرت ساعتين قلت يمكن يزيد الطلق اكثر وينفاح الرحم بسرعه بعدها قلت خلاص بروح المستشفى احسن عشان اتطمن اشوف كم مفتوح الرحم رحت المستشفى وطلعوني قسم الولاده وجات الدكتوره اسمها شيماء وكشفت علي ولقته واحد سانتي بس انا في لحظات زعلت ماتوقعت انه واحد بس طول التاسع وانا اطلق ومع الخلطه قلت اكيد انفتح اكثر الرحم انصدمت بصراحه المهم زاد الطلق عندي وجلست تقريبا 4 ساعات سولي جهاز كان راس الطفل تحت بس مو كثير يعني قالت الدكتوره تاخذي شوية وقت طبعا الدكتوره كشفت من تحت وجابت مثل العلبه طويله ودخلتها وسحبت من موية الرحم وقالت مفتوح 2 سنتي بس بعدها بشوي زاد الالم عندي وصار قوي مره قلت ابي ابرة الظهر قالو خلاص نسويلك تحاليل عشان نشوف وبعد ساعه نعطيك الابره يكون الرحم صار 3 سانتي افضل قلت لهم انا تعبانه ابي الابره قالو خلاص شوي بس عندنا حاله ولاده قيصريه بس نطلع بنعطيك الابره طبعا هذا كلام الاستشاريه ناديه والدكتوره شيماء وراحو بعدها يمكن بساعه او اقل زاد الالم وصرت اصرخ وانفجرت المويه كلها نزلت بشكل مخيف مثل السيل زوجي كان جنبي وراح بسرعه ناداهم يعني لو هو مو عندي كان مادرو عني وعلى طول جوني كلهم وكشفو علي وصارو يضغطون من داخل عشان تنزل كل المويه ويضغطون وانا افكر وش مصير الي في بطني جات الاستشاريه بعدها بشوي قالت خلاص قيصريه يلا على العمليات ودخلوني غرفة العمليات كانت الاستشاريه والدكتوره ومعاهم كذا استشاري والي مسؤله عن التخدير وجلسو يتهاوشون في الغرفه كل وحده تقول كلمه مادري بالضبط هم يحملون المسؤليه لبعض ولا ايش وعلى فكره صديقتي سوت عمليه عندهم تقول نفس الشي يوم دخلت غرفة العمليات تهاوشو نفس الشي
عاد انا في هذاك الوضع المخيف وصرت دايخه مقدر اتكلم بس صرت اتشهد لاني حسيت اني بموت من كثر مانزفت ومن الخوف منهم وهم يتهاوشون بعدين قالتلهم لااستشاريه خلاص خلاص ممكن تاجلون النقاش بعد العمليه قالو اوكي
المهم حطتلي الكمام حق البنج لانهم قالو مايمدي الوقت نعطيك ابرة الظهر وننتظر وكنت في وقتها اتشهد وحقت البنج تهاوشني تقول اسكتي لاتتكلمي المهم تبنجت وسوولي العمليه بعدين جلست مخدره يومين ماحس بنفسي مثل الحلم وكنت بس افوق اجلس ابكي من الالم ويعطوني مسكنات ارجع انام بعد اليوم الثاني جات الدكتوره والاستشاريه كالعاده الصباح يطمنون علي وعلى العمليه جات شافت العمليه ومسكت يدي وقالتلي طفلك تعبان شوي قلت ليه وشفيه قالت يعني كان مايقدر يتنفس قلت والحين كيف صحته قالت الله يعوضك خير قلت وش يعني
قالت يعني انتي مؤمنع وربي ان شالله يعوضك خير انا صرت مثل المذهوله ولا مستوعبه اي شي توقعتها تقول انه في الحضانه قالت لا خلاص الله يعوضك خير قلت يعني ايش مات قلت الحمدلله ولا تزعلي تخيلو تقول لاتزعلي
عاد مايحتاج اوصفلكم وقتها ردة فعلي والحال الي صار فيني نفسيا وجسديا للحين اعاني وانا توني خلصت شهر بس من الولاده ولا فهمت وش سبب وفاة الطفل جلست بالمستشفى 5 ايام كلها كنت تعبانه اول 3 ايام كل ماجلس يغمى علي لان عندي انيما ومن كثر مانزفت تعبت بعد 3 ايام كانو يوقفوني عشان امشي لان رجليني صارت منفووووخه بشكل مخيف بعد العمليه وكل مايوقفوني ادوخ ويرجعوني ع السرير وكانت تجيني سخونه كل شوي ودخلوني الحمام الله يكرمكم وسبحوني وانا ميته من البرد المكيف ثلج واصرخ بالحمام وطلعوني رجعوني ع السرير من غير مايغطون شعري ودخل فيني الهواء وصار عندي صداع طول هالفتره وانا بس ابلع المسكنات ولا كانه شي الالم فضييييييييييييع وكنت ادق عليهم الجرس يجون اقولهم ابي بنادول مسكن اي شي بموت من الالم يقولون اوكي ومايرجعون تعبت منهم صرت ابكي من الالم والدكتوره جابت لي شاي اعشاب قالت اشربي كل شوي عشان بطني يالمني وكنت ادق عليهم ابي مويه حاره يقولون اوكي ومايرجعون كل يوم نفس الموال واذا طلبت المويه الظهر توصلني ع المغرب يعني بالعربي ماكاني في مستشفى خاص ابدا والمكيف اقولهم تكفون المكيف بارد يقولون طيب ولا يسوون شي واذا جات الدكتوره الصباح اقولها شوفي المكيف بارد واقولهم رخو المكيف مايسوون شي قامت هاوشتهم الدكتوره وراحو خففو منه شوي وانا كنت ماتحمل المكيف لان السخونه كانت معي على طول المهم المستشفى فااااااااااااااااشل بمعنى الكلمه ولا شي يشجع ان اي وحده تغامر وتروح له غير انه غااااااااالي ونصب عيني عينك وطلعت من المستشفى وانا تعبانه موت ولا عطتني اي شي للعمليه بعدها ب 3 اسابيع رحت راجعت عند الاستشاريه ناديه قالتلي لازم تنظفي العمليه زين بالمسحه الطبيه قلت لها انتي ماكتبتيلي ولا علمتيني شي قالت الا علمتك قلت لا ماعلمتيني وانا او مره اسوي عمليه ماعرف شي كيف اعرف وانتي ماعلمتيني المهم قلت لها ابي اعرف كيف مات الطفل قالت اصلا طلعناه وهو خلاص ميت من بطنك وبعد ماقفلو العمليه وطلعوني من الغرفه لقت الدكتوره المشيمه صغيره وخافت تكون الباقيه ماطلعتها رجعوني مره ثانيه غرفة العمليات يابنات وفتحو بطني من جديد عشان تتاكد اذا باقي شي من المشيمه ورجعت خيطت بطني شوفو كيف يعني بالله عليكم تعطوني ارائكم
وانا للحين تعبانه وبطني قاسي بشكل فضيع ويعورني وظهري ذبحني الالم سوتلي جهاز قالت في بطنك تجمعات دمويه عشانك نزفتي وانفصلت المشيمه عندك وشكلها مثل الي مو مطمنه قالت ارجعلي كل فتره عشان نتطمن عليك لانها ممكن تلتهب وتفتح العمليه من جديد عشان تطلع المويه والافرازات حقتها
هذي قصتي وهذي تجربتي ويشهد علي ربي ماجبت شي من عندي وكله صدق وابي اعم الفايده للبات ولا تصدقون لاخلطات ولا مستشفيات من مدرح البنات
الحين انا عايشه وانا بس اتسال عن الي صار كيف وعن وضعي الصحي من طلعت وانا بس تعبانه وكيف مات الطفل وهو كان يتحرك قبل مادخل العمليات
وبصراحه طلعنا من المستشفى من غير مانسوي التحقيق المطلوب وكلنا امرنا لله اذا الغلط منهم ف حسبي الله عليهم اواذا انه حالتي استوجبت الي صار فالحمدلله على كل حال والله يصبرني ويشفيني
والي قهرني اكثر ان وحده قالتلي انه في هالمستشفى كذا وحده تعرفها هي ماتو اطفالهم في الولاده والله اعلم
الحزينه 55 @alhzynh_55_1
عضوة جديدة
يلزم عليك تسجيل الدخول أولًا لكتابة تعليق.
لولو انا
•
ياحبيبتي انتي
الله يعوضك خير
ويقومك بالسلامه
هذا ابتلا من ربي
وان شاالله لك الاجر الكبير
وراح يشفعلك طفلك
وبالنسبه للخلطه اللي ذكرتيها
كيف تقولي فادتك
وبالاخير مافتح غير واحد سانتي
انا برضه كنت اخذ هالخلطه من دخلت التاسع
والحين دخلت العاشر واخذها
واخرتها يوم كشفت الًدكتوره برضه
الرحم قافل مره
انصدمت صراحه
وبسألك سؤال
ليه ولدوك قيصري
غريبه
الله يعوضك خير
ويقومك بالسلامه
هذا ابتلا من ربي
وان شاالله لك الاجر الكبير
وراح يشفعلك طفلك
وبالنسبه للخلطه اللي ذكرتيها
كيف تقولي فادتك
وبالاخير مافتح غير واحد سانتي
انا برضه كنت اخذ هالخلطه من دخلت التاسع
والحين دخلت العاشر واخذها
واخرتها يوم كشفت الًدكتوره برضه
الرحم قافل مره
انصدمت صراحه
وبسألك سؤال
ليه ولدوك قيصري
غريبه
الصفحة الأخيرة
ويجعله شفيع لك يوم القيامة
في الولادة الوحدة على حافة القبر
الله يكتبلك الاجر والعافية