السلام عليكم
الله يسهل علي الولاده وعلى كل حامل يارب وييسر لنا نلاقي مستشفيات ممتازه للولاده
انا ولادتي الاولى كانت بمستشفى الجامعه بجده نهاية عام 2010
جيتهم بنهاية الشهر الثامن وبنت خالتي كانت تتدرب عندهم فساعدتني افتح ملف الله يجزاها كل خير يعني بدون الواسطه اتوقع كان الموضوع صعب اني اولد عندهم وكان عندي واسطه ثانيه فقدرت اقعد بغرفه خاصه مع مرافق بس كان الموضوع صعب ومتعب..
لكن انصح اي وحده تبغى تولد بمستشفى الجامعه تروح تسأل بنفسها..
الغرفة قبل الولاده كانت صغيره و لا بأس فيها مع حمام خاص..
وقت الولاده اخذوني غرفة الولاده كانت كبيره ونظيفه ولحالي ماكان معايه احد يولد بالغرفه
واثناء الطلق كانو يحطولي كمام عشان تخفيف الالم واعطوني ابره مخدره اول مادخلت غرفة الولاده ونمت كم ساعه بعدين صحيت وحاولت اولد طبيعي وماقدرت وبعد 15 ساعه من دخولي غرفة الولاده سوولي عملية قيصريه
اعطوني ابرة ظهر وقت العملية وقالو افضل من التخدير الكامل
سوولي خياطة تجميليه على كلامهم وانا اشوفها عاديه يعني خط طويل نهاية البطن
يعني الخياطه التجميليه ماترجع كل شي زي ما كان لازم تترك اثر بس مافي اي مشاكل الحمدلله
كنت اسمع اصوات الي يولدو وهذا الشي ماكان مريح
كان فيه طلاب يحاولو دخول الغرفة وانا احاول اولد بس كنت اقولهم طلعوهم ويطلعوا
قبل الولاده اكثر شي كان مزعج عندهم وجود المتدربات والمتدربين الي كل شوي يدخلو عليك بس كانو يستأذنو بعض الاحيان واخليهم يطلعو لاني كنت بغرفه خاصه
الممرضات طيبات جدا اخلاقهم ممتازه
واغلب الوقت ماتشوفي غير متدربات (قبل الولاده) اما الاستشاريه المسؤوله عني ماشفتها الا مرتين وكانت مستعجله ومستهتره
وبعد الولاده كان فيه اهتمام وما خلو الطفله عندي وكانت الخدمه جيده..

والله يقوم كل حامل مسلمه بالسلامه

 كنت زيكم م افكر اعتب للحكومي اقول اهين الفلوس ولا اهين النفوس ...
لين شفت حماتي ولدت عندهم ومن اهمالهم الطبي وجشعهم لشفط الجيوب وكل شوي بوكيه ورد وقهوة ونظافه واهتمام وجا دكتور يقال انه استشاري اطفال كشف عالولد وقال طيب سليم ولا كمل 12ساعه الا والولد يزرق كمل اربع وعشرين ساعه عالحال هذاا بدون حضانات ولا اكسجين ومن سوء التشخيص اتضح انه نقص في الاكسجين للمخ من التفاف الحبل في بطن امه لكن بعد ايش قدر الله وماشاء فعل والحمدلله ع كل حال اليوم حمااتي جابت اربعه بعده ولا تفكر تروحلهم الخونه ومن باب النصيحه اتركوا المجازر الخاصه واولدوا في الحكوميه لا باس متابعه عشان تاخير مواعيدهم لكن ولاده وانا لكم من الناصحين الحكوومي افضل بملااين المرات