كوبونات الراقية تسجيل الدخول

~ ريـمـونـاا ~

بلييز..وشو الفرق بين إداره الاعمال والأداره العاامه ؟!

الطالبات والمعلمات •




السلام عليكم
أهليين بناات أخبااااركم ؟؟
ان شاء الله كلكم بخير وسعااااده ونعمه يارب ..

مثل منتم عارفين التسجيل بجامعة الملك سعود قرب يفتح للترم الثاني
وانا ان شاء الله ابقدم والله يكتب اللي فيه الخير ..
بس انا محتاره جداً بالتخصصات ..

كنت حاطه ببالي أدخل علم نفس ..
بس بعدين فكرت فيه ان هالقسم ماراح يجيب لي الا الاكتئاااااب
لان شغلي الشاغل مشاكل الناس وطريقه حلّها لهم
وانا اللي فيني كافيني :icon33:

بعدين استشرت أمي قالت أداره أعمال حلوو وكذلك أبوي
دخلت موقع الجامعه لقيت فيه اقسام كثيره للعلوم الاداريه
منها ( إداره الاعمال - الأداره العاااامه )

احترت هنا ..
وش الفرررق بين هالقسمين ؟؟؟
وماهي كيفييه دراستهم ؟؟ < لاتشرهون علي :(
ووش الافضل بينهم ؟؟

لاني من جد احس راسي رح ينفجر من كثر التفكير وياخوفي اخرتها اقعد بالبيت الله لا يقوله :icon33:

يعني يابناااات اللي دخلت واحد من هالقسمين او تعرف احد دخلهم
يقولي وشلون طريقه دراستهم
والافضللل بينهم الله يسعدكم يااارب وينوّلكم اللي ببالكم جاوبوني ..

انتظركم يا بناات :27:


..
13
2K

يلزم عليك تسجيل الدخول أولًا لكتابة تعليق.

تسجيل دخول

قرة عين
قرة عين •
ادارة الاعمال للقطاع الخاص التجاري
والادارة العامة للقطاع الحكومي

والوظايف حاليا قليلة اعرف بنات كثير متخرجين من القسمين والى الان ماحصلوا شغل
مستقبلا احتمال يتحسن الوضع وتنفتح مجالات جديدة
قمرررهم كلهم
قمرررهم كلهم •
هلااا والله

انا اقولك

ادارة اعمال = قطاع خاص يعني بعدين اذا بغيتي تتوظفين تشتغلين في قطاع خاص
ادارة عامة = قطاع حكومي

وبالنسبة للدراسة تقريبا نفسس المواد بس على حسب خبرتي ان ادارة اعمال مافيها سياسة بعكس ادارة عامة
وبالنسبة لمادة الكمي اللي هي كلها رياضيات في ادارة اعمال تدرسينها سبع مستويات بس ادارة عامة بس 4 او خمس

وانا عن نفسي افضل ادارة اعمال لان دامك بتدرسين وبتكرفين ادخلي ادارة اعمال لان مستقبله ازين

والله يوفقك

واهمممممممم شيييي استخيري قبل لاتدخليييين ترا والله هو اهمممم شييي وكثير بنات كانوا يموتون في ادارة اعمال وحلم حياتهم بس سبحان الله يومهم دخلوه مارتااحوا ابد وتحسفوا الحين انهم دخلوه ويوم سألتهم ولا وحدة منهم استخارت :D
والله يكتب لك اللي فيه الخيرر

اختي بغيت اسألك متى يبدا تسجيل في الترم الثاني ..؟

ومشكورة مقدما
الاصيل
الاصيل •
السلام عليكم ..

الله يوفقكِ يارب ~ ريـمـونـاا ~..

جزاكم الله خير قرة عين &&قمرررهم كلهم على مساعدتكم لها الله يوفقكم وييسر اموركم ..
طموحة جداً
طموحة جداً •
اداره الاعمال مجالها اوسع ودراستها امتع واصعب
بنت سنعه
بنت سنعه •
انا خريجة ادارة اعمال والحمدلله كنت جدا رائعه مع انها ماكانت طموحي بس استفدت منها كثير وما ادري بالرياض ليه قسم اعمال وعامه لانه بجده عندنا اعمال ويندرج تحتتها ادارة موارد بشريه وادارة علاقات دوليه ونظم معلومات ادراي وما اذكر الباقي ما اطول عليك بس نصيحتي لك اذا ودك تدخلين قسم ادارة واقتصاد تخصصي ادارة اعمال ولا تخافين اذا تبين وظيفه على ماتتخرجين صرنا من ظمن التجارة الحره ههههههههههه والله يوفقك واستخيري