جودددددد

جودددددد @godddddd

عضوة نشيطة

وش رايكم فى معاناة اختى؟؟؟

الحمل والإنجاب

اختى عمرها اربعين سنه عندها اربعه عيال وبنتين

مريضه جتها جلطه فى القلب قبل ست سنين وقبل

سبع شهورسوت قسطره علشان ضيق الشرايين

وارتفاع فى الكلسترول...... المهم اختى ضروفها

صعبه جداا الصحيه والمعيشيه كانت ساكنه فى الرياض ونساعدها قبل سنه راحت مع زوجها لديرته وسكنها مع امه وبنته من زوجه ثانيه زوجها بالمره صعب وطول السنين الى راحت تحمل وتلدوتتحمل لحد ماجتها الجلطه وتعبت وجلست عندنا كم شهر لما رجعت صرنا نجيب لها حبوب المانع وزوجها مايدرى طبعا لانه مستحيل يوافق ......
كلمنا شيخ وقال يجوز دام عليها ضرر من الحمل جلست على المانع سنتين وبطلته وحملت وحنا انواع القلق عليها وولدت بعمليه لانها ماتتحمل تولد طبيعى وزوجها عارض بشده ويحاول فى الدكاتره تولد
طبيعى مدرى ليش عقليته كذا؟؟؟؟؟
بعد كذا قلنا لها لاعاد تحملين لاصحه تتحمل ولا زوج متفهم ولايصرف عليها ولايجيبها للمستشفى الابعد مايحد حيلها وغير الضغوط النفسيه بسبب المشاكل الى بينهم ماتخلص........صارالمستشفى الى تراجع عنده يعطيها ابر مانعه للحمل بعد محاولات من الدكتور واقناعه بالموافقه وصارت
تضربها كل ثلاث شهور ومرات يجيبها ومرات لا يقول
احملى انا مانى راضى قالت له انا تعبانه ومااتحمل
لحمل ولاولاده ولاتربيه وانت تبى عيال تزوج ماعندى مانع ولا فيه فايده اخر موعد لها قبل اسبوع عند دكتور القلب قالت ابى ربط
نهائى عن الحمل وافق الدكتور وعطاها موعد السبت
وزجها انواع الرفض والدعاء واختى شاورتنى وانا والله محتاره الحرمه تعبااااااااااانه جدا والزوج لارحمه ولاخوف من الله ولاتعامل زين ولاصرف ولابيت يضفها هى وعيالها والله مايقوم بها فى ولادتاها الاحنا حتى اغراض المولود نجيبها لها

وطبعا بلا شغاله وفوق عندها عندها عيب خلقى فى
يدها اليسار عايبه وش رايكم لاتقولون تفهمه مايفهم مخه مقفل

كم مرره حاولنا حتى اخوانها كلموه ماينفع معه شى

هى خلاص ماعاد يهمها الا تربى عيالها وتهتم بصحتها وان شاء يكبرون ويعوضونها عن الى شافته
معه فى حياتها قولولى وش اقول لها انا قلت

استخيرى والله يكتب الخيره وهى خايفه من الله ترضى زوجها
وتخسر صحتها زياده ولاتريح نفسها وتشوف مصلحتها

ادعولها الله يخليها لعيالها ويسخره لها
25
2K

يلزم عليك تسجيل الدخول أولًا لكتابة تعليق.

تسجيل دخول

بتي بوب
بتي بوب
لا حول ولا قوة إلا بالله (الله يهداه ويسخره لها)
ام التوأم اللطيف
اهم شي صحتها وبعدين الله نهانا نلقي بانفسنا لتهلكه اذا المسلم ماقدر يصلي واقف يصلي جالس واذا مايقدر يصوم يتصدق وهي ماتقدر تحمل وما قصرت سمحت له بالزواج وبعدين هذا طماع:mad: عندهم خير ما شآء الله كم يبغى بزر عشان يقنع
ماعليها تسوي الربط بعد ماتستخير والله يعافيها يارب
سابوفين
سابوفين
طبعا تسوي العمليه كفايه عيالها صايرين شبه متيتمين من الاب اللي لاعنايه ولامصروف -تبغاهم لاقدر الله يتيتمون بعدها-
تسويها حتى لوفيها زعل زوجها
لاطاعه لمخلوق في معصيه الخالق -قال تعالى (ولاتلقوابايديكم الى التهلكه)كذا كأنهاتنتحر وهذا اكبر ذنب حتى من معصيه الزوج اللي بيرميها للتهلكه
سمر ام عبدالله
رجال متخلف بمعنى الكلمة الحمدلله والشكر
خليها تسوي العملية اولادها محتاجينها
&لمعة الماسة &
&لمعة الماسة &
اكيد تسويها اهم شيء حياتها ونفسيتها وماعليها من احد كذا لو كذا مو مستفيده منه شيء الله يعينها يارب ..