كوبونات الراقية تسجيل الدخول

ووحيده في دنيتي
ووحيده في دنيتي •
الله يثبت حملها ان شاء الله
رسيل
رسيل •
أنا معي الطلق من الشهر الخامس
وهذا رابع حمل لي.. واول مرة يصير لي كذا..

كنت أروح طبيبة المستوصف وكانت تقول عادي عادي..
لكن لما رحت المستشفى (وأنا في السادس) وقاسوا قوة الطلق لقوه مرررة عالي وقوي..
دخلوني غرفة الولادة ونوموني..
وأعطوني ابرة السرفاكتانت لرئة الجنين..
وحطوا علي قياس الطلق ونبض الجنين..

واستمريت عندهم 4 أيام تحت المراقبة.. وأعطوني مثبتتات ومسكنات ألم.. ونصحوني بالراحة التااامة..

بعدين طلعت البيت..
وللأسف تحركت شوي مع عيالي خاصة ولدي الصغير..
ورجعت معي الطلوق أقوى من قبل..
ورجعت المستشفى (وأنا في السابع)..
وتنومت أيضاً أسبوع..
ونفس السالفة اللي قبل..
غرفة الولادة.. وابرة الرئة.. ومثبتات..

وكانوا خايفين أولد مرة لأن الجنين مقعدي وصاعد..

ولما خف الطلق بعد كم يوم..
طلعوني لكن نصحوني ما أتحرك أبدددداً..


وجلست في البيت..
وقبل أسبوع طفشت مرة قمت طلعت بيت أهلي.. وصعدت الدرج..
ورجعت الطلوق الله وكيــــــــــــــــــلك بغيت أموت

بس قلت مني رايحة المستشفى (لانهم قايلين لي إذا رجعت لك بالثامن راح نولدك قيصري أخاف ينفجر الرحم من كثر الطلق) لكن أنا ما أبي عملية..
رحت مستوصف وقالت لي ارتاااحي تماماً ولا حركة من السرير..
واستمري عالمثبتات والمهدئات.

ومن يوم السبت ما تحركت من السرير.. أحس أن ظهري لزق خلاص..
حتى عيد ما عيدت..

لكن الحمدلله وين خف الطلق علي كثير..
مع أني لو أتحرك حركة بسيطة رجع مرة ثانية..
الله يهون علي وأكما الثامن يارب.. ويرزقني الولد الصالح البار السليم المعافى..