احساس الظلم يوجع كيف اتخلص منه

'



السلام عليكم


بنات انا الان لي تقريبا 7 شهور من انفصلت من زوجي
بس للان احس بحرقهه الظلم والصدمه اللي سببها لي
مو قادره انساها ابدا مع اني مؤمنه ان هذا قضاء وقدر الحمدلله
وانه لو مهما سواء مراح ارجعلهه لو يموت
بس احساس الظلم يوجعععع والله لدرجة احس اني مو قادره اتنفس منه
يخنقني ليش سوا كذا ليش ليش رماني انا و ولده معقوله كنت مخدوعه فيهه
صبرت عليهه وع ضروفه الصعبه سكنت معاه بمدينه بعيده اول ماسكنت حتى جيران مكان عندي
ودوامه صعب وملخبط والله من تزوجته وانا اصرف عليهه حتى بشهر العسل انا اللي كنت ادفعع تخيلو
بعت من ذهبي علشانه وبعت الجوال اللي جابه لي هديه علشانه وحافز كله يروح عليه وعلى مصاريف البيت
اساعده فيه حتى لم كنت حامل كنت اقوله خلينا نجمع علشان البيبي كان يقولي خليها بوقتها يحلها ربي
سكت وقلت بشوف كيف بيتصرف لم صرت بشهري الثامن وجيت اقضي للولد قلت له يلاه من وين لنا فلوس نقضي
تخيلو شكان رده يقول خلينا نبيع ذهبكك ونقضي !! صدمني بس الحمدلله وقتها كنت مجمعه فلوس انا مانتظرت منه شي لانه عديم المسوليه وقضيت لولدي ولا بين بعينه

وكل ماقوله شي يقولي ترا اتزوج عليكك و لم كنت حامل قلت بشتري مغرش ولاده قالي والله لاتزوج عليه بكيت وقتها من القهر علشان مفرش يتزوج علي لو طالبه شي اكبر وش بيسوي

ولم ولدت كنت اقو له شيل الولد معاي يقولي انا رجال ماشيل و يهدد يتزوج علي !
ولم امي قالت له ليش ماتشيل ولدك كان عذره يقول انا ابغى الولد يحس بحنان امه
يكذب

ولم ولدت كنت عند امي والله ماحطلي لو دجاجه بالثلاجه حتى لم طلعت من المستشفى لو عشاء معشاني نزلني عند بيت اهلي وراح جري لصاحبه
وقتها مكان معاه اجازه غير خمسه ايام عنده دوام بيسافر تخيلو انا عطيته فلوس وقلت له هذي خذها من ولدنا علشان ماينحرج
ولم رجع بعد الاربعين ياخذني من عند اهلي قالي ترا مامعاي ولا ريال باخذ منك قلت ابشر
ولم رجعنا البيت والله يبنات البيت فاضي مافيه شي قلت معليش انا معاي ميتين بقضي للبيت فيها
قالي خلاص ومن بكره قلت له يلاه نروح نقضي لببيت قال انا ماني فايق وجلس يطقطق فالجوال
قلت بكيفك وسكت عنه يعلم الله يابنات اني قدرته وقدرت ضروفه والله كنت حامل بشهوري الاولى واتوحوم
وعشره من الشهر البيت يكون فاضي لان راتبه قليل واسوي اي شي رز ساده ازينه بالبصل اي شي فالبيت مع اني مع الوحام ماحب طبخي بس اتحمل و تفسي باشياء والله بس اقوله لاتدين علشانه
وهو عليه ديون وقروض وبيتي ماكملته ماعندي مكيف بالصاله اجلس بالحر و لا مجلس حريم ولا مكوى كنت اكوي ملابسه بلاستشوار بس ماخليه يروح ماهي مكويه وحده غيري بتقول مافيه مكوى ومراح تكوي
والله كل مايكون نفسي بشي اقوله ابغا ذا الشي يقولي الحين مامعاي بس اذا جات معاي فلوس اجيبلك وانا ادري انه مراح يجيب ومن تزوجنا ماسافرت بعد شهر العسل سفره عدله غير ينبع انا سويت جمعيه مع بنات و عطيته الفلوس رحنا يومين ينبع وجينا
يعلم ربي اني كنت ماقدمله الاكل كذا لو ماعندي غير رز ساده لازم ازينه وادخله الفرن وازبطه له علشان تنفتح نفسه للاكل والله من كثر مو مقتصده علشانه كنت السفر الرمي اقصها نصفين علشان تطول معانا لاخر الشهر
والبصل اقسمها ع كذا اكله و طماطم العلبه كله والله علشان نوفر
مقدره ضروفه و وضعه وامي بعد الله يجزاها خير كانت تقولي اذا نقصك شي علميني مقدره وضعه واختي تعطيني واخوي وهو صار حتى المصروف حقي مايبي يعطيني مع انه كان بداية زواجي يعطيني ويرجع له ذا احتاجه وكنت اعطيهه واقةل زوجي لازم اوقف جتبه بكره ربي يرزقه ويعوضني مو غبا مني والله بس اللي اعرفه ان هذي حياه مشتركه بيننا وانا النفروض كل واحد يوقف جنب الثاني بس هو جحدني وغدر فيني وظلمني
يقولي انتي ماتفكرين فيني ولا بظروفي ولا بديوني انا منام الليل من الديون وبعدها ااسبوع اخذ قرض تكميلي وتزوج ورماني انا و ولدي وحط زوجته الجديده بشقتي ويقول انا مقدر افتح بيتين طيب وديونك اللي ماتنام الليل منها طيب ووعودك اللي من تزوجنا وانت توعدني ومانفذت شي منها والله كنت ابغا ترمس حلو من السيف علشان اذا جو ضيوف اقدملهم فيه قالي مالك الا ابو بطريق قهرني وقال بعدين خلاص اذا جات معاي فلوس اشتريلك وجاته قرشين وباعني انا و ولده !!!"
بنات انا مابكي علشانه هو خلتص معاد،يهمني ابدا انا ابكي من الظظلم الظلم يوجع الله لاذوقه مومن
جد احساس، يوجعع مو قادره اتخلص منهه اشوف ولدي واتحسر عليه ان هذا ابوه حتى الشهر اللي فات طلبت من اخته تقوله يحول فلوس زياده لولده علشان بشتريله ملابس ملابسه صغيره عليه تخيلو حول 150 بس
!! ومن تزوج مارفع الجوال يسال عن ولده واللي يقهر محد من اهله واقف معاي كلهم يقولون مالنا شغل
واخته الكبيره لم تكلمت معاها تقول والله كل الحريم يوقفون مع ازواجهم قلت لهر بس مو كل الرجال لم جاتهم قرشين نسو معروفهن وباعوهم وتزوجو عليهم انا احس اني مكتفهه محد واقف معاي حقي انوكل وحق ولدي
نغسي خلاص اقطعه من ولده مايشوفه ولا ارسله صوره مع انه بالبدايه كان يطلب صوره وارسله والان اقةل خلاص مابي ارسله ولا ابي امي ترد عليه بنبيعه مثل ماباعنا يعني يبعينا ولم يجي يدور ولده يلقاه وخذ صور وتعال شوفه ونطمنه والله اني في يوم زواجه موديه ولده المستشفى مع تكسي واخاف اظلم ولدي
انا اهم شي نفسية ولدي مابيه يتعقد ابدا
وحسبي الله ونعم الوكيل على الظالم
ويعلم الله في اشياء ماذكرتها لكم ربي يعلم فيها حتى الناس البعيد مع اني ماشتكي لاخد شافو بعيونهم قد ايش انا صابره وباين علي من لبسي ابو عشره وعشرين

الله يعين

.