بنات الله سعدكم شوفو العروسة محتاسة وتبي مساعدتكم بسرررررررررعة الله لا يحرمكم الجنة

لو تدخلي قسم الديكور اوالترتيب والتنظيف بتلقي حلول حلوة ان شاء الله
واذكر موضوع في الديكور كان مخصص لترتيب التسريحة ومنها صور لغرف نوم الاخوات
موفقة يارب

يعني وشلون ترتب غرفتها وين تحط السرير وكذا؟والا كيف ترتب اغراضها بغرفتها؟؟

مشكورين بنات
ما قصرتوا
ولو اني كنت أطمح بشيء اكثر من اللي قلتوه
لكن ما زلت بانتظاركم
واللي تدخل ياليت ترفع الموضوع

..................

واقصد بالترتيب
ترتيب أغراضها وتزينها وتغليفها
لمن تجي تنقلها من بيت أهلها الى بيت الحموله


بانتظاركم

اعطيك افكار على السريع ..
بالنسبة للملابس تصنفها حسب انواعها لانجري وبجايم وللبيت وللخرجة وللسهرة وتجمع كل مجموعة وتشتري لها الاكياس الخاصة بتعليق الملابس تلاقيها عن ايكيا
وانا اعرف ناس يفصلوها من قماش اورجنزا وتكون اطرافها دانتيل يعني حركات دلع للعروسة ممكن تسالي المشاغل اذا يفصلوا لك منها
وبعد ماتحطهم في اكياس التعليق تغلفهم بورق يكون شكله حلو تغليف بسيط فقط عشان العريس لايتلقف ويفتح الملابس قبل الزواج واللي عادة يكون يوم ويومين واحيانا اسبوع
ولا تنسى تكويهم وتعطرهم وتبخرهم
ثانيا الملابس الداخلية .. ترتبهم في صناديق الهدايا تلقيها محلات ابو ريالين احجام متعددة والافضل تختار شكل واحد وترتب الملابس الداخليه وطبعا تربطهم بالشرايط لنفس السبب السابق
والماكياج والعطور .. تحطهم وترتبهم في سلال واما تغلفهم في محلات التغليف او ماله داعي التكاليف تبتكر هي وتضيف بعض اللمسات مثلا زهور طبيعية وسط الماكياج والعطور او قلوب مجسمة او اوراق ملونة او اي حركات وتغلفها بالسولفان
وتحطها على التسريحة زي ماهي وتنثر ورود طبيعية على التسريحة وطبعا لاتنسى الشموع المعطرة
وبالنسبة للجزم ( الله يكرمكم ) بكراتينها تغلف او انها تشتري صندوق وترتب داخل الصندوق
وهذا اللي عندي وان شاء الله البنات يفيدوك اكثر

مشكورة أم جود
والله يعطيك العافيه
أنا اقترحت عليها تجيب صناديق
وتحط أغراضها فيه
بس المفرش واشياء وايد ما تدري كيف ترتبها ولا تغلفها
والملابس هل تحطهم في شنطه او لا