سوووريلا

سوووريلا @soooryla

عضوة فعالة

تكفون يالمجهضات ساعدوني

تأخر الحمل

بسم الله الرحمن الرحيم

اخواتي سألتكم بالله اللي عندها خبرة تفيدني او لو حتى ترفعون الموضوع الين الاقي حل

يابنات انا اكتشفت بالصدفة اني حامل ولله الحمد اول حمل بعد سبع سنوات اول شيء حللت تحليل منزلي وطلع ايجابي رحت على مستوصف وطلع فيه حمل ولله الحمد على كل حال
ورحت سويت تحليل هرموني ولقيته وصل 1360 وقالوا بعد يومين تسوين تحليل ورحت ولقيته ولله الحمد 2990
وقالوا لي انه الحمل له ست اسابيع
وهالشيء استغربت له لانه انا قبل اسبوعين نزل معاي دم دورة استمر ستة ايام كالمعتاد

المهم طلب مني الدكتور بنفس اليوم بعد ماطلعت نتيجة التحليل انه يسوي لي فحص مهبلي :44:
ويوم شيك ماطلع معاه لانبض ولاشيء بس مجرد كيس صغير جدا فقال لي اكيد انه حملك عمره اربع اسابيع
وصرفلي تحاميل مثبتة.. ويوم جيت البيت حسيت شيء حار نزل علي ولقيت دم احمر
اتصلنا عالدكتور قال ترتاحي على ظهرك لكن يابنات الدم مازال مستمر معايا وصار دم اسود كانه دم دورة :icon33: انا اليوم جيت من الرياض لجدة عند اهلي وابي منكم تساعدوني سالتكم بالله انا بهم مايعلم فيه الا ربنا ,, من الفرحة بشرت اهلي اني حامل والحين انا بغم وهم عظيم وصداع براسي يقتلني وش اسوي واروح لأي دكتورة ثقة وفاهمه ان كان فيه جنين صح وماتستعجل تنزله لو انه فيه مجرد امل ضئيل انه ممكن يتكون ويستمر؟

وان كان خلاص اجهاض وش اسوي؟ اطلب تنظيف وكشط ولا شو؟



تكفون يابناتي ساعدوني وش اسوي اروح لاي دكتور ولا اي دكتورة كويسة في جدة وماتللعب فيني ؟؟
انصحوني من خبرتكم
10
1K

يلزم عليك تسجيل الدخول أولًا لكتابة تعليق.

تسجيل دخول

توتة الحالمة
توتة الحالمة
يارب حملك يثبت وتفرحين فية
روحي دكتوررة شاطررة علشان تعرف لحالتك
ديمة..
ديمة..
التزمي الراحه واشربي مويا مع نشا

واصبري كم اسبوع لين يبان
ssانت غلايss
ssانت غلايss
ياقلبي الله يثبت لك حملك انا مريت بنفس تجربتك لكن الحمدالله ربنا اراد انه يطيح
لكن اهم شئ الراحه
واشربي مويه زمزم بنيه ان الله يثبته
لكي
واصلا الدكتور اللي جيتيه ماعنده سالفه ليش يسويلك كشف مهبلي
معروف ان اغلب اللي يسون كشف مهبلي راح ينزل نزيف
محرومه من زوجي
حسبي الله ع ذا البيطري ليه كشف مهبلي معروف انو يسبب اجهاض
الله يتمم حملك ياااارب ويقر عينك بشوفه ضناك
خوذي ملعقه نشا بكوب ماء بارد ع الريق
اذا كان الجنين سليم راح يوقف الدم باذن اله
واذا كان الجنين ميت راح ينزل باذن الله وترتاحين من التنظيف
وان قدر الله واجهضتي ارسلي ع الخاص
اعطيك برنامج استخدمته باجهاضي والحمدلله حملت بعد الاجهاض مباشره
توتوته الاموره
ارتاحي ولا تكشفي بس عليك بالرقيه وانتبهي تسوي تنظيف والله الذي لا اله الاهو ان خالتي ام زوجي قالولها انه مافيه جنين بس كيس الى الشهر السادس وبين الجنين وجاتها بنت ..........الله يكتب لك اللي فيه الخير يارب