ولدي وبنتي ابي حل

السلام عليكم
كتبت موضوع وطار قبل لا اضيفه
المهم الله يسعدكم ابي حل
عندي ولد عمره 3سنوات ونص وبنت سنتين ونص
ولدي لما يروح البقاله او اي مكان يشتري له ولاخته زي بعض وهذا الطبع عجبني بس الي مو عجبني لما يرجع البيت تبدا الحرب اذا مثلا حلا او عصير او اي شي يتاكل ياكل قبلها ويخلص وهي تاكل اشوي وتخليه لبعدين
لما يشوفها حطته يقول ماما نانا ماتبي تاكل خلصت يعني بالعربي ابي نصيبها انا اخصمه واقول لا انت اكلت وهذا حقها وهي حره يروح يمها ويجلس يدلعها ويتهبل عليها وخليها تعطيه وطبعا مو دايم تمشي عليها الحركه بس بعد يرجع ياخذه من غير ماندري لما يخلص يقول
والمشكله الثانيه والاكبر الالعاب وربي ماعمري جبت غير اثنين اثنين من كل نوع علشان مايضربون بس مافي فايده ياخذ كل الالعاب ويعطيها وحده يامكسوره ياصغيره وتبدا الحرب بينهم انا اجمع الالعاب واخبيها بمكان يعرفونه وكل ماشفها ويطلبها اقول علشان ماتخلى اختك تلعب يايسكت او يقول الا اعطيها ياماما وربي ارحمهم صار لهم اسبوع مخبيتهم واليوم طلعتهم ولا فيه فايده ورجعت خبيتهم الفتره هذي نفسيتي تعبانه مااقدر اطلعهم برا البيت كثير واصلن كل طلعتنا نتمشا في الشوارع او اوديهم حديقه يلعبون وكل وقتهم على التلفزيون او يتهبلون في البيت على انا وابوهم احس بيصير لهم كبت
والمشكله حتى لما نسافر عندي اهلى او اهل زوجي يجمع كل الالعاب الي له ولي مو له ويويل واحد يقرب