الاراده لما تتلاشى وتطير مين الي يقدر يرجعها ؟
وش الحل لما يصير تفكيرك طول اليوم بالاكل وتحسي انك لما تبتدي بالريجيم راح تكون نهاية العالم !!
مجرد ماتفكري انك لازم تقولي لنفسك خلااااص ستوب وتفكري بالريجيم تحسي بكآبه فظيعه توصلك لحد البكاء !!
صدقوني اني ماابالغ لي سنتين اعاني ووزني زاد لفوق الثمانين هذا الي اذكره لاني من زمان ماوزنت ويمكن واصل التسعين الحين وصحتي تدهورت الام بالركب والمفاصل وصرت كسوله اتعب من اي حركه من اول ماتزوجت وانا محافظه على صحتي ووزني بحدود المعقول كانت عندي اراده حديد ماشاء الله الريجيم كان عندي مثل شرب الماء بسهوله انتظم فيه والتزم واقدر اترك مغريات الاكل وماتهمني احضر المناسبات واجتمع مع اقاربي وخواتي والكل يستغرب مني وشلون اقاوم الاكل بجمعاتنا كنت مضرب المثل عندهم بالاراده والالتزام بالريجيم والرياضه والمشي ... ولي سنتين تبدل حالي اهملت وزني وكرهت الريجيم والمشي صابني اكتئاب وصرت اكل طول اليوم لدرجه اني احيانا احس ان كأن احد يرغمني بالقوة اني اكل وانا شبعانه واظل اكل واكل لحدما تبتدي معدتي توجعني واحس اني مااقدر اتنفس من الاكل هنا اوقف واقعد اصيح مادري ليش اسوي بنفسي كذا شهيتي صايره مفتوحه وطول الوقت افكر بالاكل ..
انا مايأست طول الشهور الي راحت احاول التزم بالريجيم واسوي نظام صحي وانظم وجباتي والتزم بالرياضه والمشي لكني افشل التزم اسبوع ثم اخربها واترك الريجيم .. حاسه بكآبه فظيعه لاني من الناس الي تكره السمنه انا مايهمني الشكل واللبس انا تهمني صحتي ابغى ارجع لنشاطي زمان وصحتي كنت ماشاء الله مااتعب من الحركه والشغل مثل النحله لدرجه خواتي احيانا اذا اجتمعنا عند اهلي يقولون لي ارحمي نفسك من الحركه ..
الحين الكل ملاحظ انتكاستي زوجي كان مايهتم بالوزن والريجيم وكان دايم يتضايق اذا شافني اسوي ريجيم يقول جسمك كذا حلو وعاجبني الحين يحاول يشجعني ارجع للريجيم بسبب كسلي وحالتي لاني حتى بيتي وعيالي صرت اهملهم واختي كم مره تحاول تعرف ايش فيني تبغاني ارجع مثل زمان ومو عاجبتها حالتي بس عجزت اترك الاكل افكر فيه طول الوقت بديت انهار من حالتي .. احيانا اقول يمكن حالتنا الماديه هي الي مأثره علي بالشكل هذا لاننا ناقلين لبيت ملك من سنه وعلينا ديون وبيتنا لسا مااثثناه وانا كلما فكرت بحالتنا الماديه صرت اكل علشان انسى المشاكل .. واحيانا اوسوس اقول عين لان حالتي مو طبيعيه وماادري وين المشكله تعبت تعبت الحمد لله انا احرص اني اقوم قبل الفجر واصلي الوتر وادعي ربي يساعدني واستغفر ..
ابغى احد يقولي مين مرت عليها مثل حالتي وانتكست وفقدت الاراده بعدما كانت شعلة من الاهتمام تكفون وشلون ارجع مثل زمان عندي همه واراده واحافظ على صحتي ووزني ابغى انزل على الاقل 20 كيلو واسترجع نشاطي واقوم في بيتي وعيالي مليت وربي صرت اعاني مثل معاناة الحامل بشهورها الاخيره من الثقل والوزن .. ابغى استرجع ارادتي الي طااارت..
قيود ذهبيه @kyod_thhbyh
عضوة فعالة
يلزم عليك تسجيل الدخول أولًا لكتابة تعليق.
الله يفرج همك ويرزقك هممه واراده وعزيمه وينزل وزنك وانتي بخير وصحه وعافيه...
ابتعدي عن الحلى بس ثلاث مرات بالاسبوع كولي قطع صغيره والمقليات والخبز الابيض اكللك العادي بس خففي الربع وبعده كولي نص اكلك السابق وحاولي يكون صحي مثلا بتسوين كبسه لاهل بيتك
البص كشنيه بزيت زيتون واسلقي الرز لحاله كولي من اكلهم بس خففي الرز وكولي الصدر
الفطور لو كثرتي عادي لانه بتحرقين الصبح اكثر بس حاولي يكون صحي ابدي حبتين بيض مع خبز اسمر وخيار وحليب وجبنه لان البيض بيخليك ماتحسين بجوع
اشربي مويا كثير 6 الى 8 اكواب ..
امشي عشر دقايق وزيدي لحد ساعه..
الله يحقق لك ماتمنيتي..
ابتعدي عن الحلى بس ثلاث مرات بالاسبوع كولي قطع صغيره والمقليات والخبز الابيض اكللك العادي بس خففي الربع وبعده كولي نص اكلك السابق وحاولي يكون صحي مثلا بتسوين كبسه لاهل بيتك
البص كشنيه بزيت زيتون واسلقي الرز لحاله كولي من اكلهم بس خففي الرز وكولي الصدر
الفطور لو كثرتي عادي لانه بتحرقين الصبح اكثر بس حاولي يكون صحي ابدي حبتين بيض مع خبز اسمر وخيار وحليب وجبنه لان البيض بيخليك ماتحسين بجوع
اشربي مويا كثير 6 الى 8 اكواب ..
امشي عشر دقايق وزيدي لحد ساعه..
الله يحقق لك ماتمنيتي..
نفس الوضعععع بالضبببط.. كانك انا ...لدرجة افكر اروح لطبيبه نفسيه احس راح تساعدني
ماعرف وش الحل
ماعرف وش الحل
الصفحة الأخيرة
اش رايك نسوي رجبم سوا ونشجع بعض
والله ينحفنا من غير شر وﻻمرض