ملف للراغبات بالعمل من البيت وللباحثات عن عمل بسيط...

هذاالملف لمساعدة الأخوات الي مايقدرون يشتغلون لأسباب شخصيه ويردن العمل من خلال البيت وطبعا بمساعدة باقي الأخوات والأعضاء الموجودين بعدة طرق ..
فبأمكاننا عملا الكثير من الخدمات للراغبين بذلك مثل:

1_طباعة ونسخ ملفات وترتيبها في برنامج الوورد كبحث أو تقارير وطباعته اذا أمكن.
2_انشاء بحث بالصور وكل تأثيرات الباور بوينت.
3_البحث عن صور وأشكال وحروف أو أي طلب للمعلمات .
4_التسوق...لا تستغربون ممكن الي ما تقدر تروح تشتري أغراض لبيتها بسبب انشغالها ممكن تكتب الاغراض الي تبيها وتعطيها للي حابه تعمل بهذه الشغله.
5_للي تسوق سياره ممكن توصل بنات لعملهن أو للتسوق .
6_للي حابه حد يساعدها في تجهيز نفسها للعرس بالشراءوالترتيبات من أخواتها الي لهن ذوق رفيع في أختيار الملابس والألوان .
7_الي تبي مساعده في تأثيث بيتها واختيار الألوان .
وممكن اضافة أعمال اخرى في المستقبل أو اذا وحده عندها شيء وتريد مساعده تكتبه...
طبعا المساعده هذه راح تكون بمبلغ وراح يتم تحديده من قبل الفتاه الي راح تساعد وأنا راح أكون الوسيط بينهم ..ومنعا للاحراج الي حابه شغله معينه أو عندها قدره على القيام بأي شغله تراسلني على الخاص وانشاء الله نقدر نساعد بعضنا ..
يالله شدوا الهمه ..في بنات محتاجات للعمل .