محتارة مع زوجي وبنهار من التفكير

السلام عليكم:
أخواتي حكيمات عالم حواء زوجي من قبل ولادتي بشهرين متغير سهر يومي الى الفجر ونوم في غرفة التلفزيون وينام في غرفة النوم في الشهر مرة أو مرتين حسب حاجته لي صار مدمن للعادة الس... حاولت معه يترك السهر مافي فائدة بكيت هددت صار يقنعني انه يخطط مع اصحابه لمشروع ويفرح لما اقوله بسافرلأهلي في مدينة قريبة مننا وصار مهمل لبيته حتى لو بقالة مستوصف ينزلني ويمشي ويطلب مني بإلحاح المعاشرة الخلف... ويحب يتخيل اني رجل اثناء المعاشرة وإذا ناقشته يعصب ويقول انسي السالفة وبعد ? شهور اكتشفت من فواتير جواله انه يكلم بنات ع الجوال والماسنجرمع العلم اني كشفته قبل سنتين كان يقابل بنت ويكلمها وعاهدني وقتها ماتكرر منه
فدخلت معه ماسنجر كأنني بنت ابغى أتعرف تفاجأت بأنه يرسلي مقاطع فيديو خليعة
اليوم الثاني فاتحته في الموضوع قلت له اللي كلمتها البارح ماسنجر وحده من طرفي ارسلتها تختبرك كان مستهتر ويقول تستاهل هي اللي بلتني بنفسها قمت طلعت له الفواتير وقلت وهذي الأرقام قال بخجل بنات اكلمهم انا هنا انهرت بكاء وطلبت الطلاق قام يعتذر ويسألني بعيالي اني مااترك البيت وجلس عند رجولي وحط اقدامي على وجهه يقول سامحيني وقام يغير أثات البيت واستقدم شغالة كل هذا وأنا زعلانه ماأكلمه والأن اشعر اني كرهته وأفكر جديا بالطلاق مع العلم أنه بشع الخلقه -أستغفر الله- وعديم الأهتمام بمظهره مدري وش يعجب البنات فيه
أخواتي انصحوني بصدق وجزاكم الله خير لأنني خايفه أضيع شبابي معه وشكله لعاب مايعرف قيمة العهود
مع العلم أنني استشرت شيخ واخبرته انه ينام عن الصلوات عمدا فأجابني :أتركيه لاخير فيه