ساندوتش بالنمل..يم يم يم تذوقته كم هو لذيذ

سلام الله عليكم ورحمته وبركاته.....

كيف حالكم ؟؟؟وش أخباركم؟؟؟علومكم؟؟
كيف حال أمك؟؟؟وأبوك؟؟؟عساهم طيبين؟؟
كيف حال أخواتك وأخوانك علومهم؟؟؟عساهم بخير؟؟
كيف حال زوجك وعيالك؟؟إن شاء الله بخير؟؟؟




كيف حالكم ؟؟؟وش أخباركم علومكم؟؟
كيف حال أمك؟؟؟وأبوك؟؟؟
....................إلخ :09:




للأسف...لهذا السبب أنا أكره ما علي في حياتي ...
إستقبال الضيوف.....

ياالله تعلّ أم أمي...تعيد وتزيد ..تكرهني اليوم إللي إستقبلتها فيه,,

وأنا أبسألها عن حالها ..بس ماتعطيني فرصه...
والله معاناه...
كله كوم ولما تقول...كيف حال زوجك وعيالك.....

ياربي أستحي...بالقوه تزوجني.....
أقولها ياخاله ماني متزوجه....ولا كأني كلمتها...
وتعيد كيف حالك وكيف حال زوجك....
لا حول ولا قوه إلا بالله...أضطر أقولها زوجي طيب ويسلّم عليك...


المهم ماعلينا...بنات كيف حالكم؟؟((لاحظوا قلتها مره وحده)):booo:

كيف حالكم وش أخباركم؟؟((عفواَ الظاهر العدوه صابتني))

تراني ما قربت من الألوان...عشان خاطر عويناتكم..

ياربي ...أحس أحياناَ إني علّه..((علَه..بتشديد اللام..معناها نشبه ومعنى نشبه يعني علّه...وهكذا دواليك..بالله لوسمحتوا ترى الترجمه بفلوس..يعني إللي مابتدفع لا تقرأ الترجمه))


بنات إللي شبعانه لاتقرأ الموضوع..والجيعانه لاتقرأ الموضوع..
بس إللي بتسوي ريجيم تقرأ الموضوع...بإذن الله إسبوع واحد وينزل وزنك 10 كيلو.....:10_8_10:


بسم الله بدينا السالفه...


إنتي لو سمحتي إعتدلي بالجلسه...يعني إحترميني على الأقل..((أموت في الإحترام ياناس))


في يوم من الأيام...
كنت نائمه إلى الساعه العاشره مساءً...
وعندما قالت الساعه تك تك تك...
قمت فزعه وقلت..مابك ياساعتي الحبيبه..تقولين هذا الكلام..
تسبيني وأنا إللي مشتريتك وزوجتك البطاريه...ياللأسف خيبتي ظني فيك..خذي...طراااااق....إنتي طالق أخرجي من بيتي..
ثم قالت الساعه...تفووووووووو على وجهك يامال البلا...
قلت لها:إنتي ماتربيتي سأربيك...بووووووم....
رميتها بكل قوه على الأرض فتفكفكت مصارينها فتحت شباك غرفتي ورميتها.....














إللي كنت خايفه منه صار......
نايمه إنتي وياها..ماشاء الله أنا أحكي وحضراتكم تشخرون...
أصلا كل الكلام إللي فوق إختبار لكم بأشوف من إللي بالها معي ومن الخبله النايمه....

يالله ...يالله قدامي بره...بره موضوعي...:angry2:







آسفه يابنات بس أنا من البدايه حاسه إنه في شلة بنات فيهم نوم ومهم معي...والحمدلله إكتشفتهم وطلعتهم بره.....




والحين بأفضى لكم....



يالله بدينا....
مره صحيت من النوم الساعه عشره بالليل...((بنات ترى هذا ماهو إختبار يعني إللي بتنام عادي تنام))إهب يالنصابه...


ولما صحيت بالليل كنت جيعااااااانه....
يادوب أفتح عيني وأشوف الدرب....

رحت لغرفة المعيشه لقيت أمي رافعه على صوت المسلسله..
ومتفاعله الحرمه وداخله جو....

لما شافتني ..قالت :ياخبله الحلقه الأخيره...
قلت:وليه ماصحيتيني قبل ماتبدأ؟؟
قالت:عجزت وأنا أصحيك...ماتقومين..((خبركم نومي ثقيل..لو يحيون زواج في الغرفه إللي أنا نايمه فيها ماصحيت))

وأنا عشقي الأكل خاصه قدام التلفزيون..مدري ليه أستمتع..
قلت بسرررررررررعه خليني أسوي لي ساندويتش وألحق على المسلسل...
وأروح المطبخ..وأشوف العيش((العيش هو الخبز..ولاتنسون الحساب..وإلا بيني وبينكم المحاكم))

وطبعاً العيش كان مكشوف..وأنا من العجله ما إنتبهت...
وأخذ الجبنه وأدهن بسرعه..وما أنسى حبيبي الشاي.....

وألحق على المسلسل...
إنا لله..أمي تفاعلت هذه المره من قلبها...
تأكل فشفاش وتدعي على الممثل..لأنه ضرب زوجته..
وأنا يا قلبي علي..أكل الساندويتش على مهلي((عشان أستمتع بالمسلسل))

وفي آخر لقمه مدري وش إللي خلاني أطالع في العيش....

يماااااااااااه...شوفي نمل....:humm:

وآآآآآآآآآه ياليتها نمله وإلا ثنتين....
ياااااااااكثرها تدخل داخل العيش وتخرج....:blink:
تشنجت...

حسيت بغثيان..وععععععععع

تدرون ليه؟؟؟؟

لأن النمل من النوع إللي أكرهه...
إللي رأسه أحمر..ودب وكبير....وعععععععععع

يالغبائي...من أول أطفح وما أشوف أستاهل..خلي المسلسله تنفعني...((ترى معنى أطفح يعني آكل هذه الترجمه مجاناً لاتحاسبوني عليها))

إللي قهرني إنه أمي وأخواتي ماتوا علي من الضحك...
وأكثر شي أمي...


ولأن الله يمهل ولايهمل...
شوفوا وش صار لأمي.....










بينما هي تأكل الفشفاش...
طاحت فشفاشه في الأرض...((أوووه نسيت أترجم..فشفاش..نوع من الشيبس يأكله الكبار قبل الصغار...لأنه لذيذ..ولأنه رخيص
أربع فشافيش بريال..يابلاش..إشتغلت مسوقة مبيعات..ترى هالترجمه سعرها أغلى لأني شرحت))

المهم وبينما هي متفاعله ...ومره تبكي لأن زوج الممثله مات بحادث مروع ..ومره مقهوره لأن أخوها ظلمها..ومره تسب وتخاصم إللي قاعد يحط فاصل إعلاني..

وأنا أفكر في النمل وش قاعد يسوي في بطني..يارب مايقرصني..
يارب مايطلع من سرتي..والله أموت

وفجأه...أمي إنتبهت إنه هناك فشفاشه مفقوده...وجدتها في الأرض..
وطبعاً من التفاعل..حطتها بفمها على طول...

وبعدها صار وجهها ألوان...
قلت: خير وش بلاك...
قالت: في شي يقرصني بلساني...
وطالعت في المرايه....




نياهاهاهاهاهاهاهاهاي نمله قرصت أمي في لسانها...:hahaha:

سبحان الله ..

جلست أضحك عليها مثل ماضحكت علي...
طبعاً هي ماهي زعلانه لأني أضحك..لأنها هي بعد جلست تضحك وتقول:أكلناه قبل لا يأكلنا بقبورنا...


الحمدلله الذي أطعمني هذا وسقانيه من غير حول مني ولاقوه..
((أووووه آسفه بس دخلت جو))






هاااااااااه وش رأيكم بالسالفه...
أدري ودكم تأكلون مثلي ساندويتش بالنمل...ولايهمكم راسلوني على الخاص وأنا عند وجهك..
بس ياليت تكتبون وش تبوني أضيف معه يعني ممكن خنفسانه مقرمشه...ونااااااااسه..
لاتشيلون هم التوصيل مجاني...









يا قلبي عليكم...تحملتوني بما فيه الكفايه..
لوعت كبودكم....بس هذا إللي صار...

بعدين أنا مره قريت إنه قرص النمل له فوائد...
فما بالكم لو كان القرص داخل الجسم...أكيد له فوائدات مو فوائد..:cook:



على العموم مشكورين..على قراءة الموضوع إللي كبدي حامت منه...
ولهذا السبب أنا هونت ماني مجرجرتكم في المحاكم...لاتحاسبوني على الترجمه...فداكم قلبي وعيوني وحياتي ونملي بعد وش تبون أكثر...؟؟؟

يالله إللي أكلوا مثل ما أكلت ياليت يعترفون..

على فكره أمس أنا متعشيه ديناصور مشوي....:o