يا هلا وغلا بكروشاتنا
أكيد تعبكم الوحم,وأكيد كل وحده تدور على حل
وفي ناس الله يعافيهم أمثالي أنقص في حملي 20 كيلوا,والذي نفسي بيده إني ماأبالغ
وسبب هذا كــلهـ
الترجيع (أكرمكم الله)
ليل نهار ترجيع بترجيع,بكل مكان في السيارة في المجمع في السوبرماركت,لدرجة لازم معاي 10 أكياس بشنطتي ,وفي البيت البرميل جنبي
طبعا يسمى الوحام المرضي,ومايصيب إلا 1% من النساء,وهو أشد الأنواع
ويختلف الوحام من إمرأئه إلى أخرى,ماشاء الله في حريم مايدرون عن كلمة الوحام إلا من كلام النساء
والله أسمع فلانهـ حامل ,بطني تألمني وأرأف لحالها<< على بالي كل الناس مثلي
وبعد هالقرقرة الزايدة بعطيكم الحل
في حملي الأول تعبت مره والله أعلم وش صار,والحمل الثاني قلت لدكتوري لازم تشوف لي حل,وطبعا ماعندهم إلا الحبوب إلي يصرفونها لكل الناس,,بس هي صدق تنفع مع ناس وناس لا
وقلت لازم أدور لي حل,ويوم كنت أقلب في صفحات الشبكة العنكبوتية والمنتديات الإنجليزية
وطحت لكم على تحـــاميل
أخذت إسمها لدكتوري,وقال بصرفها لك وماتضر
والله ماأبالغ يابنات إني من يوم أحطها يمكن وفي أضعف الإيمان ما أرجع إلا مره وحده في اليوم,طبعا القرف وهالسوالف مافي شئ يشيله
بس على الأقل الغثيان,والترجيع أكثر من 10 مرات باليوم يروح مني,والله كنت أطلع عصارة المعدة الصفراء لأنه مافي في بطني شئ
هاذي صورة التحاميل وهي أساسا للغثيان,وماتضر الحمل
أستخدمتها من الشهر الثالث لوقت ولادتي ,لأني أنا مايخف وحامي
بس أنتي ممكن توقفيها مع الرابع أو الخامس
بس أحلفكم بالله يابنات:
ولا وحده تستخدمها من دون إستشارة طبيبها,ماأبغى أتحمل ذنب وحده فيكم
تفضلوا الصور
الكرتونه من الخلف
الكرتونه من الأمام:
التحاميل:
نقطه مهمة
الحمدلله إستفدت منها في سالفة الإمساك (أكرمكم الله) لأنها ساعدتني في تسليك الأمور
في النهاية أحتاج منكم دعوة صادقة
الله يسخر لي زوجي,ويهدي أبنائي ويصلحهم
ويرزق كل متأخرة بالحمل السليم
دخلت مزاجي لاني اتعب من الغيان والترجيع