اليوم أن شاء الله جيبتلكم طريقة عمل سندويشتات شاورما لحم لكن بطريقتي الخاصة وهي طريقة لولاتو 2002سهله وسريعه وبسيطه وأهم حاجه إنها لذيذ وتابعوني وأن شاء الله ما حتندمو أبداً مع لولاتو2002 وأتمنى إنها تنول على إعجابكم.
في البدايه أحب أدلكم على شكل علبه الشاورما أطلبها أوردر من النت.
تجيكي متبله وجاهزه ومقطعه شرائح.
قسمتها لمجموعات في أكياس على حسب الكميه ألي حتستخدميها في كل مره وحطيتها في الفريزه.
المقادير:
لحم شاورما وبطاطس وهوت دوق وبدنجان أسود مقلي وزبده.
طماطم وفجل وخيار مقطع وجرجير للزينه.
مخلل خيار وبصل مع البقدونس والسماق والمايونيز.
عيش حب مديني من تطبيقي.
بابريكا.
يتبع
حطيت لحم الشاورما على الزبده للتشويح.
شوحتها على النار مع الزبده .
لاتشوحيها كتير لانو بعدين تنشف عليكي وتجلد.
اقسم العيش بالنص وأفتحه وأجهزه .
أدهنه بالمايونيز أو طحينه أو ثوم على حسب ماتحبي.
حطيت البصل بالقدونس والسماق.
حطيت البدنجان الأسود المقلي.
حطيت البطاطس المقليه.
حطيت الشاورما ومخلل الخيار.