الصراحة ما عندي خلفية عن اللولب ، لكن حبيت انبهك و احذرك من الدكتورة عصمت اللي في تونسي مرة اخلاقها زبالة و شايفة نفسها ع الآخر ،
قبل 8 سنين أمي كانت حامل و كانت تتابع عند دكتور سوداني ما يحضرني اسمه حاليا لأنه كان عندها نقص في موية الجنين و قرر لها عملية قيصرية في السابع فلما راحت امي المستشفى جات الدكتورة عصمت لماما و قالت لها يقولوا ما تبغي الا الدكتور فلان يعملك العملية قالتلها امي كلكم خير و بركة بس عشان الدكتور متابع حالتي من اول قالت لماما انتي الخسرانة و خرجت و رقعت الباب وراها و بعد العملية جات هيا تفوقها من البنج و انا كنت واقفة معاها جلست تضرب ماما كفوف على وجهها بأقوى ما عندها قال ايه عشان تصحيها و اتضاربت معاها .. معليش قلتلك قصة حياتي ، بس من جد انتبهي منها حقودة ..

والله ياقلبي انا كم مررة تصير جمعات عند سلايفي وجيراني
وكدا مرررة يمدحون دكتورة امل اللي فالعيساوي فالعتيبيه
مرررة زحمة لاكن مرررة يمدحو شغلها وخصوصا فاللولب وكم وحدة مدحتها .. اناوالله شخصيا ماراجع عندها لانو زوجي ماينتظر عالزحمة عندة دوام عشان كدا ماعمري روحت لها بس للامانة حبيت افيدك لان من تجارب البنات مررة يمدحونها ..

عصمت مرررررة لاتقربينها انتبهي وربي كل الحريم يشكون منها
خبيثه خبيثة اللي جربوهاا مرررة ماينصحون فيها صادقه الاخت اللي ذكرت تجربه والدتها لان عصمت سمعتها زباااالة