ساعدوني يالمتزوجااات بليييز

السلام عليكم ورحمة الله وبركاااته

كيف حالكم ...
بدخل بالموضوع قصدي بالمشكلة انا متزوجة لي سنة ونص والحمدالله حياتي مستقرة كان فيه صعوبات بداية حياتنا بس الحمدالله قدرت اتغلب عليها وامشي حياتي المهم زوجي بيسافر لأندونيسيآ بالبداية انا ماعطيته راي لا بالموافقة ولا بالرفض بس قلت بداخلي يالله خليه يروح يستانس ويكتشف الطبيعة على قولته ...صدقته
المهم بالصدفة وانا ادور موضوع قريته بالمحفوظات لقيت بلاوي ومواضيع عن الاندونيسيات والجاويات واجسامهم
زوجي يدور عليها
ورسايل من ربعه يقولون له خلنا نسربت وخرابيط تسد النفس صدق رجاجيل مايملى عينهم الا التراب
المهم ياحوائيات كيف امنعه من غير ما ابين اني شاكه فيه لان زوجي اعرفه
بقول انتي شاكة فيني ويقلب السالفة علي واني موسوسه ....الخ
خاصة اني حامل ومالي خلق للهم وسوالفه اللي ماتخلص واذا اقدر ادخل اخوه الكبير المطوع بالسالفة بأن يخليه مايسافر
واتمنى ماتجي وحدة وتقول تزيني له وتعدلي لأني من هالناحية واثقة من نفسي ومو مقصرة معه بشي مايجي من دوامه الا انا كاشخة ومتعدلة ومرتبة كل شي وكل يوم ابدع له بالفراش ومو مقصرة حتى وانا حامل وتعبانة بس علشان مايفلت وللأسف هذا بداية الانفلات ابغى ارائكم ونصايحكم لاتبخلون علي مالي الا الله ثم انتم .