الامور اللي سويتها وبنفس الشهر حملت الله يرزقنا الذريه الصالحه

السلام عليكم ورحمة الله وبركاته

كيفكم ياحلوات :love:

طبعا انا نذرت بيني وبين نفسي اذا حملت اكتب الاسباب اللي بعد امر ربي حملت بسببها

وابي منكم تدعووون لي ولاخوي واختي الله يشفيهم يارب

طبعا انا متزوجه من سنه وتسعة شهور حملت بعد الزواج بشهر وولدت ولاده مبكره بالشهر الخامس وجلست سنه وشهرين تقريبا ماحملت بعد الاجهاض الاول

طبعا مشاكلي تكيس هرمون حليب الحمدلله على كل حال

وكنت شاكه ان فيه سبب روحي اللي هو الحسد وفعلا صرت محسوده والحسد برحمي:44:

المهم انا مغتربه باامريكا رحت الدكتور وقالي اول علاج للتكيس هو حبوب منع الحمل من سنه وهو يقولي وانا رافضه بعدها اقتنعت وتوكلت على الله سبحانه واخذتها كورس 3شهور

ومع الكورس بديت احافظ على الورد المسائي والصباحي واقراء الرقيه الشرعيه خفيفه اللي هي

الفاتحه ، اول خمس ايات من البقره ، اية الكرسي ، خواتيم البقره ، المعوذات 3 مرات واحط يدي على رحمي واقول ( حصنت نفسي ومالي وزوجي واهلي ورحمي وكل شيء اعطانيه ربي بالحي القيوم الذي لايموت ابدا ودفعت عنهم السؤ بلا حول ولاقوة الا بالله العلي العظيم) 3مرات

واقول ايضا ( استودعت الله رحمي ومافي رحمي ومبايضي من شرور شياطين الانس والجن والتكيسات الذي لاتضيع ودائعه)

وبعد كان عندي زيت مقري وادهن فيه رحمي وظهري زي الحزام مرتين باليوم واهم شيء عند النوم

الشهر اللي بعد الحبوب بقولكم اللي سويته

اول شيء توكلت على ربي كل ماجاء في بالي فكرة الحمل والذريه اقول في خاطري انا وكلت امري لربي سبحانه هو وكيلي والله ارتاح يابنات وانسى

ومستمره على الرقيه جاهدي انك ماتخلينها والزيت

ثانيا من اول ماجات الدوره العنزروت اشربها باليوم كم مره مع القهوه او مع النقوعه اللي بكتب لكم مقاديرها
(مره ، عنزروت ، قرفه مجروشه ، حبة البركه ) انقعه بالليل واشربها الصباح
والله يابنات دورتي تكرمون كانت كلها قطع ودم ثقيل معليش ع الوصف بس ترا العنزروت كويسه

بديت من ثاني يوم الدوره اشرب عصير اناناس

وسويت لي غسول مره ومويه وحطيته بالحمام تكرمون كل مادخلت الحمام تشطفت فيه الين بعد ماطهرت بكم يوم وخليته

ايضا قريت موضوعين هنا لعضوات مختلفات الله يسعدهم وطبقت اللي قالوه

الاولى قالت حطي حبة البركه جمب سريرك وقبل ماتنامين تاخذين منها 7حبات وتسمين بالله قبل تاكلينها كل ليله انا وقفتها قبل الدوره بااسبوع لان حسيت بالاعراض ماشاءالله من بدري اني حامل

الثانيه كانت كاتبه عن لقاح النخل انها تسويه تحميله وفعلا سويته وحطيته مرتين بس والحمدلله حملت بعده

هذا تقريبا كل اللي سويته بس توني اجهضته قبل اسبوع وكان عمره 5 اسابيع تقريبا الله يعوضني يارب وكل محرومه الحمدلله على كل حال


ادعو لي واي استفسار انا جاهزه وان شاءالله كل شيء يكون واضح قدامكم

ولاتنسوني من دعواتكم واي واحده يرزقها ربي بعد هالبرنامج تبشرني بالخاص :love:

التفاؤل مهم يابنات ربي بيرزقنا ان شاءالله وكل تاخيره فيها خيره

تعبت حيل لما اجهضت قبل اسبوع واندمرت نفسيتي خصوصا اني بغربه بس الحمدلله انا واثقه انا خير من ربي حبيبي ومثل رزقني بالحمل بيرزقني بثباتهم ان شاءالله

الله يسعدكم ويرزقكم بالذريه الصالحه