الأمهات اللي كذا

لا ماتكرهك بس هي تربت كذا
غالب جداتنا كانو قاسيات ومايعترفو بالاحضان وكل شي عندهم عيب وحرام فطبيعي تلاقي نتيجة هالشي مثل طبع امك
لكن بالمقابل انت بوسيها وضميها عوديها على هالشي انت تحبيها وتحترميها خلاص اشبعي هالحب في امك دامها لسه عايشه الله يطول بعمرها على طاعته

مافي ام صاحية تكره بنتها
لكن امك تتصرف نفس الشي مع اخواتك ؟؟؟
اذا تتصرف نفس الشي مع اخواتك فهذه طبيعتها
قولي لأمك ما احسك تحبيني وشوفي ردة فعلها وخبرينا

الله يصلح حالكم ويسعدكم ويحببكم ببعض

طيب بقول لك شي يقربك منها ...مشطي شعرها رطبي رجولها دلكي لها .حني شعرها ...الام تحب الي يطيعها ومايرفع صوته عليها والي يساعدها ...الام ماتكره بس احيانا تقسى ......حبي يدها اذا انتي بنت اليوم ماتجرءتي تحبين يدها لاتلومين امك ...الله يحنن قاوبكم على بعض

هههههههه بعض البنات متأثرين باللي يصير في المسلسلات ،،، حبيبتي اكيد امك تبوسك وقت المناسبات في الاعياد اما كذا من الباب للطاقة ما اتوقع فيه كذا و كلمة شكراً لما تسوين لها شيء مفروض ما تنتظرينها منها لانها امك بس في المقابل انتي اذا سوت لك شيء تقولين لها شكراً


و شيلي هالافكار من مخك مافي ام تكره ضناها

من جدك انتي؟؟؟
ليه هي تأذيك ؟ والا تعنفك؟
يمكن ما تربت على كذا وما تعرف تعبر
وانتي مو صغيره عشان تجيك تبوسك وتقول احبك
الام حبها دعاء وخدمه وسهر وهم
الله يجعلنا بارين فيهم يا رب
لا توسوسين