أحلى نسكافيه بالتمر لأحلى فواحة

بنوتات حواء...
شحالكم اليوم؟؟؟؟

شو مستعدين حق هذا الحلا....,,,,؟؟؟؟

يله جهزوا ورقه وقلم ولا حطوا ايدكم على الSave
علشان تحفظون الوصفة

وعلى فكرة تراها إهداء لفوااااحة الريف.... وأتمنى الريااااييل إللي عازمنهم زوجج يستانسون على هالحلى

طعمه جد خباااااااااااااااااال

أول شي و كالعاده لا زم ما أطول عليكم وأدش في الموضوع على طول

المقادير
علبة ونص بسكوت شاي.... ( إذا تحبين غيري وحطي بداله بسكوت جوز الهند :icon33: بيطلع روعة)
طبعا البسكوت إعجنية بالزيدة وربع علبة حليب رينبو (أبو قوس)

في الخلاط...
ا حليب مركز
1 قشطة
1 م ك كاكاو
1 م ص نسكافيه
35 حبة تمر أو سح (طبعا بدون النوى ماله)

وبعد ما تخلطينه صبيه فوق البسكوت إللي في البايركس
ورشيه بالنسكافيه شوي

ودخليه الفرن لين يتماسك، وبعدين طلعيه... وخليه لين يبرد عدل (يعني يكون في الثلاجة) وقطعيه مربعات صغيرة وحطيه في أوراق التقديم و خلي الضيوف يقضون عليه....
ولا تنسين تسوين معاه القهوة العربية....
وإللي يريد مقادير قهوة عربية تجنن من عيوني أنا حاضرة لمساعدة الجميع...


وبس خلصنا :icon28:

سووووووه و وادعولي
ربي يحفظلي بنتي وزوجي... ويرزقنا رزقاً حلالاً وطيباً آمين....


أحبكم في الله
وأنتظر ردودكم المشجعة لي دوماً.....