ايدام اللحمه بلخضار بطريقة منال العالم
كيفكم يا حلوين
بنات هذي الوصفه سوتها منال قبل امس بتاريخ 14 رمضان
وشفتها وعجبتني وقلت اسويها بسحور اليوم
وطلع طعمها يجنن وياخذ العقل ..يعني اللي يحب المسبك راح تعجبه
وهذي الوصفه تتكون من خطوتين
نبدا الخطوه الاولى.... المقادير
6 قطع لحم غنم بعظم (منال حطت لحم غنم من غير عظم بس انا ما كان عندي )
شوية بقدونس زي اللي بصوره
وحبتين بصله مقطعه نصفين
وحبتين طماطم مقطعه نصفين
وقرفه وهيل ومسمار (كلها بهارات صحيحه)
وقرن فلفل اخضر
وملعقه كبيره كركم
الطريقه ..
انا اسلق اللحمه 10 دقايق بلبدايه عشان تروح الزفره وارجع اصفيها واغسلها
واجيب قدر نظيف ومويه حااااره ونحط اللحمه +الطماطم +البصل + البهارات +الكركم +البقدونس
+ الفلفل الاخضر (بس انا نسيت احط الفلفل الاخضر)
نخلي اللحم يستوي لمدة ساعتين بضبط
وبعد ساعتين اشيل البهارات والطماطم والبصل من مرقة اللحم
ويطلع بهشكل
والحين الخطوه الثانيه
المقادير
حبه كبيره بصل مقطع صغير
4 فصوص ثوم مهروس
ملعقتين كبار زنجبيل مطحون
حبة باذنجان
حبتين طماطم مقطع كبيره
وحبة جزره كبيره
وحبتين بطاطس كبيره
ملح + بهارات اللي تحبينها
الطريقه
نجيب قدر وشوية زيت نباتي
ونحمس البصل والثوم والزنجبيل
ونحط الباذنجان وفوقه الطماطم والجزر والبطاطس
وبعدها نحط اللحم مع المويه حقته
ونحط البهارت (ملح +كزبره مطحونه+كمون+فلفل اسود +فلفل ابيض)
منال تقول اي نوع بهار انتي تحبينه (بس لا تنسوا برضوا حطوا ملعقة كركم)
ونزويد شوية مويه وخليهم على النار ساعه
بعد كذا تنتهي طبختنا
انا عملت معاه رز بزعفران
وباذن الله تكون عجبتكم
وبلهناء والعافيه
almadawi @almadawi
محررة فضية
يلزم عليك تسجيل الدخول أولًا لكتابة تعليق.
المنفلقه
•
ما شاء اللهتسلم يدينك شكله مرررررررررررررررره حلو ان شا ءالله اجربه بكرى يعطيك العافيه
almadawi
•
همس الآهات :سلمت الايااااااااااااااااادي .. روووووووعه ..سلمت الايااااااااااااااااادي .. روووووووعه ..
up
الصفحة الأخيرة