مين تحب تهني وحدة دخلت بالإسلام البارحة بالليل ؟؟؟ دبي

بنات القصة ومافيها انها شغالة حماتي :
شغالة سيريلانكية اسلمت البارحة الليل بعد العشاء جاءت لصاحبة البيت وقالت لها انا خلاص بدخل معاكم في الإسلام لي 4 سنين معاكم واقتنعت ان هذا دين كويس .

اعطوني شيلة أصلي .
قالوا لها اغتسلي بالأول وظلت طول اللليل تردد أشهد أن لا لإله الا الله خايفة ربنا ما يسمع وهم يقولون لها خلاص دخلت بالإسلام وهي تصر وتقول خلوني اقولها أكثر وأكثر .

وصلت الصبح .
وتوني اتصلت عليها بالبيت وصوتها صار ملائكي ومستحية والكل يهنيها ووعدتها بحفلة كبيرة . وفرحت .

وقالت ما رحت للشيخ لسا تفتكري خلاص صرت مسلمة ؟؟ قلت لها خلاص صرتي مسلمة حبيبتي .


والله اللي تحب ترسل لها هدية حتى لو كانت كارد صغير بأي صورة تفعل والله هذا يشجعها كثير .

هي برأس الخيمة تعكل الآن في بيت أخو زوجي .
وما تتخيلوا فرحتها لما اتصلت فيها الصبح وهناتها .

واللي بدها العنوان أو تلفون بيتهم للتأكد تتصل وهي بتعرف عربي كويس مثلنا .
وهي أرملة وتوفى زوجها وهي حامل اظن او بعد ما ولدت واهل زوجها حرموها تشوف البنت وعمرها 5 سنين الان بنتها .

لكن هي طيبة والله وكنا متوقعين انها تسلم لكن كان رأسها عنيد لأنها متدينة .

من فرحتي ما عرفت بأي قسم أكتب الموضوع !!!

لكن نزلت هنا حتى أخبر التاجرات اللي ممكن ترسل لها هدية من اللي تبيعهم !!
وأنا ملابس الصلاة سأرسلهم لها طبعا . وتخيلوا لما تعرف كيف المسلمين بيحبوا بعض وبيرسلوا كروت للداخلين بالإسلام أو هدايا ...