في ربوع بلادي الغالية<<<<الله من اللواقة

8

8


طلعنا وهالمره الوجهه للجنوب ... حول ديره 07
(ونعم والله فيهم ماقلنا شي لا تبلشونا )

عاد مهرجان ابهااا .. يا سلاااااااام .. الردح السنع .. وانواع الطرب ... والحاجات الزينه .. بس طبعا كله لكم يالتماسيح يعني مافيه فايده :(


عاد وحنا بابها طلعنا البر ... مشاء الله كلها خضره
متبطحين على هالبساط .. وهالقهااوي والحب والتقشيم

واحب البر والمزيون .. واحب الرياض والاوطان :cool: ويا قلب لا تحزن


ويمر حولنا ذاك الجيب ويوقف حولنا
وينزل منه كم شخص ومعهم هالكاميرات وكشافات ولمبات وماني عارفه ايش

7

7

بالعربي .. صاروا التلفزيون السعودي بيصورون :D


وينقز ابوي واخوي صويلح لهم ،،


المذيع بعد ما سلم وقالهم ان حنا التلفزيون ونبي نصور
راح لصويلح ... شف نبي نقابل معك .. ونبيك عاد تقول انك انبسطت والله لا يخلينا من ديرتنا .. وانك ما تنصح بالسفر للخارج ..
ولين قلنا لك هل سبق وسافرت برا المملكه قل لا فاهم

( ياخي انا يا وحده ارتاح نفسيا لين فضحت )

المهم ويحفظون في هاللوح كم مره يبونه يحفظ

7

7

7

عاد وبدا التصوير ...

وابوي يزبط صويلح ويعدل بالطاقيه وينظف الخشه ( لزوم التصوير ;) )

و يبدا التصوير .....

اعزائي المشاهدين .. هانحن نعود اليكم من جديد .. في برنامج الصيف والناس

ومعنا احد المصيفين بابها ذا الوجه المشرق
صويلح >>> :D

الاسم الكريم .. صويلح ( والله والخيبه :p )



وبالفعل صويلح قام يجاوب مثل ما حفظووه

المذيع : طيب هل سبق وسافرت خارج المملكه مثلا ؟؟

صويلح .. هو لو يحصل لنا تسان ما عفنا الرووحه برا .. لكن الله يخلف

طوووووووووط طووووووووووط انقطع الارسال


ويرجع المذيع ..احـــــم نأسف لهذا الخلل ... انتهى اللقاء مع الاخ صويلح


وها هو صويلح يركض بين هالثيل

وها هو وابو صويلح يطلق سيقانه للريح ويركض ورا صويلح في مشهد سياحي ولا اروع وفي قمة السعاااده يمرحان ويلعبان
<<< ما يدري ان ابوي يلحقه بالنعال يبي يلعن سلسبيله عقب ما فشله

7

7

7


لا واللي رافعن ضغطي وفاقعن مررتي وزايد الطين بله ... يقولك واحد الله يذكره بالخير ويطول عمره ويجعله ذخر للامه الاسلاميه الجمعــــااااااااء :)

وش يقول ... انااااا عندي اراضي بابها ( ان ما كان عند هالفلان اراضي من بيكون عنده اجل :p )

وبصراحه ما ودي افرط فيها لاني ابي استفيد منها اوقات الصيفيه اجي واوسع صدري.. وانها حسوفه تروح علي هالاراضي....

وانت يابو فلان عساك تصيف بابها ؟

ابو فلان .. لا والله .. بيني وبينك ما قد صيفت بابها ابد .. تخبر يبي لها جمعه وناس واجد ..

هو : افااا .. لا صدقني والله انها تغيرت معدهي على خبرك ... ومن هالكلام

<<< يعني اللي بيسمعه هالحين يقول خلاص هذا شكله كل سنه ما يتعدى ابها ..

7

7

7

7

ما يتعدى اسبانيا كل صيفيه <<< ياشيخ اعترف انها ما تصلح …ولا تقعد تلعب على نفسك وعلى غيرك



انا ما اقول كذا .. تصغير بالمهرجانات اللي هنا ..
لا بالعكس كلن يحب الخير لاهله ولديرته .. والله يقويهم ياربي ماقصروا ..
وكل سنه تراهم يتطورون عن اللي قبله ،،،،،،

لكن عاد خفوا على هالضعوّف .. ما احد قالكم اسرفوا وخبطوا بهالفلوس .... همن تخسّرون هالضعوف
وخصوصا جده يقولون من جد ناااااار الله الموقده ..



المهم ورجعنا للرياض مره ثانيه .. سبحان الله مدري ليه طرت على بالي اغنيه جواد مردك لي


وارجع واقول ... الله لا يخلينــــــــــــــــــــــا بس



مونتـــاج واخراج .. بونية البوينتات
تصوير .. اعضاء برنامج الصيف والناس


نتقدم بالشكر الجزيل لكل من :

معارض النسيم للسيارات .. على سماحها لنا باستإجار هالجمس موديل 87
كما نتقدم للشكر الجزيل لمركز تلفزيون بووه على الكليجا
كما نشكر .. مركز تلفزيون جده .. ونسررين الحكيم على اتاحتها الفرصه لنا بالحديث والتفضيح واحب اقولها يختي مشاء الله وش هالطوع .. لوك شايله الطرحه تسان استر من هالقذله اللي رازتها
كما نشكر ابو فلان وراعي اراضي ابها على كلامه اللي يوسع الصدر وابد ما يكدر
كما نشكر .. العطّار ابو راشد على ما قدمه لنا من حب وقريض وفصفص

:ملاحظه مالها داعي :
اقول لا تبلشوني .. شرهتكم على اللي شاف كل ذا
اخبر بس طريق جده - مكه لين جينا بنعتمر ..والباقي الله بالخير

هلااااااااوغلاااااااابنوته

احلى مافي مواضيعك انها من تاليفك ومافيها لطش

يسعد قلبك يارب

بس اقول عجبتني جده نار الله الموقده والله انك صادقه فيهاااااا:32:

صدقيني بغير الاجازه ارخص ويلعبون على الضعوف مثلنا

هلا بس أم الروائع..:p

تصدقين ام الروائع لين شفت

ذا الوجه((:p))أتذكرس بلا من زود خفة الدم..

ويا زينس انت وردس توسعون صدري..

اقول كثري من ردودس علي..

اجل مويضيعي وسع صدرس..

الله يوسع صدرس بالعافية والهناء...>>>>>>>>>>>خخخخخخ:32:

حلوة القصة بنوتة..
تسلم ايدك اللي كتبتها..

هلا توووته:32:...

الله يسلمك عيووووني..

وعيونك الحلوين..