شترودل التفاح من مطبخ الشيف مونى بالصور

المعجنات والمخبوزات والسندويتشات

السلام عليكم ورحمة الله
شترودل التفاح وصفة نمساوية قديمة من القرن ال18 وهى من الحلويات الشعبية فى النمسا وراحت للنمسا عن طريق تركيا ايام الدولة العثمانية
وهو مكوناته وطريقته بسيطة جدا وطعمه حلو والعجينة بتاعته من غير بيكنج بودر ولا خميرة


مكونات العجينة:
200 جرام دقيق
بيضة
فانيليا
50 جرام زبدة سايحة
رشة ملح
ربع كوب ماء
مكونات الحشو:
2 تفاحة مقطعة مكعبات
100 جرام سكر
50 جرام زبيب
70 جرام بندق مطحون
عصير ليمونة
8 ملعقة كبيرة فريش كريم
الطريقة:
فى اناء هنخلط الملح والدقيق ونضيفلهم البيضة والفانيليا والزبدة السايحة

ونضيفلهم الميه بالتدريج ونعجنهم لغاية مايبقى عندنا عجينة متماسكة

هنسيب العجينة ترتاح لمدة ساعة وهنجهز الحشو فى اناء هنخلط كل مكونات الحشو مع بعض

وهنفرد العجينة على شكل مستطيل وهنحط عليها الحشو

وهنلفها ونقفلها كويس ونحطها فى صينية

وهندخلها فرن حرارته عالية ونطلعها لما تستوى ووشها يحمر هنعمل فيها شقوق بالسكينة ونحطها فى طبق التقديم هنرش عليها سكر بودرة وده شكلها النهائى













أعتقد مفيش اسهل ولا ابسط من كده
جربوها وهتدعولى
وبالهنا والشفا
8
2K

يلزم عليك تسجيل الدخول أولًا لكتابة تعليق.

تسجيل دخول

badriaabsaja
badriaabsaja
عزافي يارب
شعفوقه
شعفوقه
يعطيك العافيه
om naser_64
om naser_64
ضحىى
ضحىى
مممم يسلموا يديك
عنقاء زهر الرمان24
باين شهيه يسلمو حبيبتي