؛؛؛ دعوه من القلب ؛؛؛ياربي ياكريم ياحليم ياعظيم ترزق وتوفق كل من تجبر بخاطري

عزيزاتي

بنات حواء
السلام عليكم ورحمة الله وبركاته

اخواتي ليس لي الان بعد الله عزوجل الاانتن

مشكلتي اللي اعاني منها من 4 سنوات وهى دخول زوجي عالم النت ف المنتديات وفي المسنجر وفي البالتوك بغرض وهو كتابة الشعر لان الاخ بسلامته شاعر:22:

وفي البالتوك غرف لشعر يدخلها احيان في البيت قدامي واحيان اذا صار في العمل

الغرفه هذي مثل مافيه شباب فيه بنات مسوين انفسهم شعار

المهم
المشكله قبل يومين وحنا جالسين قال ابي اقولك شئ قلت قل وش فيه الرجل قام يبكي

قال انا امام اغراء قلت ايش !!!!!

وقام يحلف يابنات ويقول على الطلاق انا الكلام اللي بقوله لك صحيح

قال فلانه اللي في البالتوك كتبت لي برايفت على الخاص كلام كثير وبالاخر قالت لي انا احبك واموت فيك

يقول قلت لها وبعدين اخرت الحب هذا قالت حبي شريف وابيه ينتهى بالزواج تخيلوووووووووووا

يقول قلت لها معليش وترا زوجتي معنا في الغرفه وعلمها بالاسم النك اللي انا دخله فيه وانا في البيت
لانه هو كان في العمل وانا دخله الغرفه اراقب>>>>>>>>>>>>>>> يالمسكينه

االمهم الرجل يبكى ويقول ساعديني قلت وشلون اساعدك

قال الحين ندخل الغرفه باسمك وادخل عليها وقول انا زوجة فلان وقول لها ابعدي عن حياتي وعن زوجي لوسمحتي

قلت طيب دخلنا باسمي كتبت الكلام االلي قال

البنت الحيوانه انكرات

المهم في الاخير كتبت لها ابعدي عن زوجي ولا تهدمين بيتي البنت مصره على الا نكار وقلت لي لوانك وثقه من نفسك وزوجك ما قلتي هالكلام
بالاخير قلت ابعدي لوسمحتي وخلنا نقفل البالتوك وحذف البرنامج من جهازه وحلف انه مايدخل مره ثانيه


ويوم قعدت اهوش واصارخ عليه ليش تسوى كذا ليش تخلي البنت تتعلق فيك انا وش ذنبي

قال انا لوما احبك كان ما جيت الحين وقلت لك على كل شئ

بنات بصراحه
ماكذب عليه بالشئ هذي ولا اظلمه يحبني موووووووت


هذي السالفه كلها



انا الحين وضعي وتفكيري زفت
اعيش في قلق لا يعلم فيه الا رب العالمين
صرت مااصدقه ولا اثق فيه
مدري ايش اشوي اخاف الحيوانه تأثر عليها وتخطفه
انتم عارفين الوقت هذا ومصائبه

ربي يوفقكم ويرزقكم من ابواب رزقه ساعدوني انصحوني ايش اسوي