ما الحل لرفض الطفل للرضاعه الصناعيه

السلام عليكم ..

حابة استشير الامهات صاحبات الخبرة ..

ولدي عمره 7 اشهر ما شاء الله الحمدلله ولدته طبيعي بعد 9 اشهر

للاسف و هذي غلطتي اني كنت ارضعه طبيعي 100%

اعرف اهمية الرضاعه للام و الطفل ... الخ

بس للاسف صار يرفض الرضاعه الصناعيه تماما

البعض يقول خليها للضرورة وقت الخروج مثلا او في غيابك

اللي صار معايا عكس بحكم انه ما يعرف للرضاعه من صغره

بديهي ما راح يتقبلها بين يوم و ليله

ندمت لاني ما دخلت له صناعي من الولادة

كيف اعوده عليها لان صعب عليا ارضع في كل مكان و مو معقوله احبس نفسي في البيت عشانه

بالنسبة للرضاعه هو يعرف يمسكها اذا فيها مويه يشرب عادي

و في اول الايام يتجمع الحليب فكنت اشفط و اعطيه في الرضاعه

المسألة كلها عدم تقبل لزجاجه الرضاعه مو اكثر

غيرت الحليب و جربت اعطيه و هوا صاحي و هادي ما يكون مريض او زعلان ما نفع

جربت اعطيه على جووووع برضو ما نفع يبكي لحدما ينام و اضطر ارضعه

جربت كل الاساليب اللي قرأتها ولا زلنا على نفس المنوال

ما يرضع صناعي الا مرة كل 6 او 5 ايام و بالصدفه يقبل

ايش اسوي تعبت من الرضاعه الطبيعيه و احس الحليب بيخف عن قبل

غير كذا راح يصعب عليا الفطام اكثر طالما رضاعته طبيعيه

الله يعين ندمت كثير و الله لكن الشكوى لله اللي عندها طريقه لا تبخل عليا

بالنسبة للاكل اعطيه الحمدلله بدون مشاكل