ممكن طريقة الفطائر الملونة

العجينه المعتمده عندك وتضيف لها اللون اللي تحبي
والحشوات اللي تحبي
مافي شي تتقيدي فيه
ممكن حمراء تحشيها قطعة جبن كيري وحبه حلاوه توفي وتعمليها ورده
ممكن صفراء تحشيها دجاج بحمسة الجزر
ممكن خضراء تحشها زعتر
ممكن تحشيها جبن ونعناع
او لبنه


اتمنى اعطيتك فكره وافدتك
دعواتك

مشكورة اختي

لكن سؤالي من وين اجيب الالوان وكيف اضيفها؟

سبحان الله

استغفر الله العظيم

اختي في طريقتين شلون تلونين العجينه يا انج تحطين ألوان طعام و يبيعونها في السوبر ماركت و البقالات صوب منكهات الطعام و عادي تحطينها في العجينه لين تبين تشكلينها بس انصحج انج تلبسين قفازات عشان ما يصبغ اللون في يدج و اول شي حطي نقطه من اللون و عجني اذا تبين تزيدين اللون حسب رغبتج و تعجنينها لين تجوفين اللون توزع في العجينه عدل . و الطريقه الثانيه انه جفتها في برنامج بس انه ما جربتها ليحين و اهيه انج تلونين العجينه بالخضار يعني لون و طعم مثل انج تسلقين جزر حق لون برتقالي او تسلقين سبانخ او اي خضره لونها اخضر و تفرمينها في خلاط العصير مع شويه الماي ألي سلقتيه فيه الخضره و تضيفينها على العجينه و هاذه الشي راح يخلي العجينه تصير لينه شوي و انتي ضيفي طحين لين ما تتماسك معاج العجينه و بعدين تحشينها مثل ما تحبين و اتمنى اني افدتج و ادري طول عليج بس حبيت اوضح لج الطريقه و اي استفسار انه في الخدمه

اتمنى البنات فادوج