( شيخه ) :

شوفي مبلغ 1000 شهريآ يبيلك 1000 سنه تجمعيه مايجيب نص ارض بهالغلا ...... لكن شغلي مخك فيه تجار هنود بدوا تجارتهم من الصفر فلا تيأسي بقولك خبرتي لما كان عندي محل خياطه وابيع منه جاهز ...... كنت اشتري من محل بو ريالين الطيقان البلاستك الفاضيه الدرزن ب 6 ريال واشتري مترين قماش التل الي هو التور والزيجات الملونه وكريستال رخيص مش اصلي وشوي خرز ملون وورد مجفف بالوان واحجام مختلفه ...... هذا كله حتى مايكلف 100 ريال ويسوي لي درزن طيقان البسهم بالتور واعمل من التور نفسه ورود حلوه صغيره واحط بوسط كل وحده كريستاله والبنات لصغار يحبوا الخوخي والليموني فكنت ابدع في عملهم عن طريق الكتلوجات اشوف وانفذ ...... ابيع الواحد ب35 ريال واذا حطيت ورد زياده ابيعه ب45 ولانه مميز وشغل ايد كان مايتم منهم شي باستمرار اكرر نفس العمليه عند بو ريالين والله الشاهد عمليه مربحه فوق ماتتصورين بس انا الي ساعدني كان عندي محل مدري اذا بتلقين محل يعرض بضاعتك بالذات محلات الاطفال باذن الله بتكونين لك مبلغ حلو شوفي الانسان والله العظيم ممكن يتاجر بدون راس مال اذا شغل مخه بقولك عن سالفة وحده كانت تجينا الدوام بالمدرسه تبيع علينا مهادات بيبي وقطع قماش واكسسوارات شعر مره سألتها قلت لها قطع الاقمشه غاليه فرضآ محد شراها كيف تتصرفي بتخسري ...... قالت انا ماشريتها انا اروح لمحل الاقمشه واقوله ببيع لك وعطني عموله بسيطه بالذات الاقمشه الي ماتمشي عنده تقول اذا مابعتها ارجعها له وازور الحريم ببييوتهم ويشترون لان كثار حريم مايقدرون يروحون السوق ونفس الفكره تتبعها مع محلات الاكسسوارات وملابس البيبي تاخذ وتبيع ويعطونها عموله والله كونت زباين وفلوس ماشاء الله وبدون راس مال بقولك بعد فكرتي لما كان عندي الخياط ..... حتى مايتهمونا ان التاجرات مايعلموا عن اسرارهم كنت اشتري الرول كامل للتور ب110 ريال بالضبط واخيط منه 8 فساتين بشنطهم وطيقانهم ابيع الفستان ب400 ريال ...... شوفي كم الربح والاكسسوارات ترى رخيصه من محل بو ريالين ...... كنت لما اشتري الورد لصغار اضيف له كريستال واغير فيه فيطلع شي جديد او اضيف له الاشرطه لصغار بلون متناسق يعني ابتكر ما احط الاكسسوار زي ماشريته اذا عندك مكان فاضي بالبيت اعملي مشروع فساتين البنات لصغار للمناسبات باكسسواراتهم بتربحي ذهب بدون ماتروحي سوق الذهب !

شوفي مبلغ 1000 شهريآ يبيلك 1000 سنه تجمعيه مايجيب نص ارض بهالغلا ...... لكن شغلي مخك فيه تجار...