حبيبتي اللي يمر فيك شي طبعي جدا كلنا مرينا في هالمرحله واقوى من كذا بعد لانها مرحله جديده في حياتك وحسيتي ان المسىوليه اكبر من قدرة احتمالك بس نصيحتي لك وياليت تطبقينها لو يومين راح تشوفين الفرق التزمي بالاستغفار وسورة البقره اضغطي على نفسك واقريها يمكن الشيطان يوسوسلك ويخليك ماتقرينها بس اتغلبي عليه واسال الله العظيم في هالساعه ان يشرح صدرك واتمنى تطمنينا على وضعك بعد ماتطبقين اللي قلتلك

يالغاليه في اشيا من اللي قلته كنت احس فيه وفيه اقوى واشنع والله لدرجه صرت اكره زوجي كره العمى واحيان اتمنى اخذ سكين واذبحه واحياناً افكر بالانتحار الله يغفر لي بس والله انا وصلت لمرحله الدكتور كان يقول لزوجي لازم تاخذ العلاج ولازم تستمر عليه حالتها منيله اخذت نوع للاكتئاب وتركته واستمريت تعبانه وازداده حالتي للاستفراغ الله يكرمك ويغمى علي والله وصلت مرحله كل من شافني قال سبحان اللي يغير ورجعت واخذت نوعثاني اتوقع اسمه سيروكسات اذا ماني مضيعه استمريت شهر فيه تحسن بسيط وطلعت حامل وتركته وقالالدكتور خلاص علاج سلوكي لبعد 4 اشهر وطنشت ولزمت اذكار الصباح والمساء واقرا القران واصلي اقسم لك بالله العظيم اني تغيرت 200 درجه وكنت ادعي بسجودي وابكي بحرقه والله من 2 او 3 يوم جتني راحه حياتي كلها ماحسيت فيها وصرت طبيعيه لدرجه انالدكتور حقة الحمل جاها ملفي وقالت لازم تاخذين حبوب عشان ماتنتكسين وقالت طيب وضربت بكلامها الحايط وتوكلت علي الله نصيحتي توكلي علي الله ودايماً رددي ياربي توكلت عليك وبنتك ضميها لصدرك لتسويين مثلي ترا الطفل اذا تعلق بالصدر وحرمتيه يجي كله امراض والله صرت اتنوم بالاسابيع بسبب صحته كثرت عليك بس لاتستسلمين اخذي بنتك اطلعي البسي اكشخي سوي ليله خاصه مع زوجك وزوري صاحباتك واشغلي نفسك بالطبخات او اي شي تميلين له ولاتحطين في بالك انك مربوطه وختاماً اسال الله ان يشفيك من جد حاسه فيك من قلبي

ذكرتيني بنفسي اول مولوده جاني نفس حالتك يوه اكتئاب فظيع من ولدت على طول كنت تخيلي اترك الناس واروح اصيح وارجعلهم من دون سبب بس الحمدلله بعدها تقريبا بثلاثه شهور خفيت

تطمني الوضع عادي ان شاء الله وهي فترة خوف تمر فيها البكرية وتروح باذن الله
لكن انتي ذكرتي ان معك اسهال صار له فترة طويلة
تدرين ان هو اللي ماثر على شحوب وجهك و سرعة غضبك و انفعالاتك
اختي جسمك يخسر كثير من المعادن و الاملاح اللي تعطي توازن للجسم و وظائف الاعضاء
و الاسهال هو السبب .... عالجيه قبل ما يتفاقم الوضع
و انصحك كمان بحبوب الحديد .... تصدقين ... بنتي وهي صغيرة كانت مررررره عصبية جدا وكثيرة صياح
و اكتشفت مع الدكتور و الوالد الله يحفظه ويطول بعمره ان نقص الحديد هو السبب
وبديت اعطيها جرعات بسيطة تناسب عمرها
والحمد لله تحسنت نفسيتها كثير

و الكالسيوم ...كمان له دور.... خذي مكملات غذائية
الحامل و النفاس و المرضع ضروري تتناولها
فمابالك بنفسك توك نفاس و معاك اسهال .....يعني جسمك جالس يخسر كثير من المواد المغذية المفيدة بسبة الاسهال


و عن كيف تعالجي نفسك بنفسك ..... شوفي ...اول ولادة لي كانت متعسرة للاسف و تنومت وكانت حالتي خطيرة رغم اني والدة طبيعي بس عانيت كثير

جاني ضيق وطفش مو طبيعي حتى بعد ما طلعت من التنويم و رديت البيت
تخيلي اول طفلة لي كنت بنجن واشوفها و اضمها و اتخيل مقدار سعادتي فيها خصوصا اني كنت احب الاطفال بشدة قبل ما اتزوج بالذات الرضع

لمن شفتها و صرت اجلس معها و ارضعها كنت احبها بس كنت حزينة احس ان حبي مو كفاية ..... احس اني مقصرة بحقها و ان قلبي مو قادر يحبها الحب اللي تصورته
كنت ابكي اغلب اليوم واحس بضيق وطفش
حساسة من كل الكلام اللي اسمعه
مقهورة على نفسي من الخياطة وشدة المها وتعبها

انقهر بزيادة لمن كنت اجوع بكثرة بسبة الرضاعة من صدري و اطفش احس اني مقيدة لازم اعطيها صدري حتى لو كانت شبعانة بس تبغاه بمفمها
و ماكنت مستمتعة طول الوقت بالرضاعة الطبيعية عكس ما كنت اتصور قبل الولادة ...كنت افكر اني جدا بكون فرحانة


طبعا الكلام هذا من 9 سنوات وماكنت قبلها اعرف ان في شي اسمه اكتئاب مابعد الولادة و انه يصيب شريحة كبيرة منم الامهات

فترة وعدت الحمد لله على كل حال
وانقلب الوضع بعدين وصرت اموووت على بنتي و بتخبل عليها
صرت انبسط واطلع اتسوق لها ملابس وهي معي و افرح جدا جدا بهالامور الحلوة

صرت اشوف حركاتها و تطوراتها و اسعد كل يوم عن اللي قبله و حاولت اتناسى ضيقي و طفش لحد مافعلا نسيته


ولادتي اللي بعدها كنت متحضرة لها الشي
بالاتي :
احاول اكون دايما مبسوطة وان هالاكتئاب لو جاني فهو طبيعي وفترة بسيطة وتروح و انه بسبب خربطة هرمونات تصيب النفاس.. وان كل المشاعر والاحاسيس اللي راح اتعرض لها بتكون تهيؤات و مجرد احاسيس خاطئة و اوهام لان مافي ام ما تحب طفلها او بتكون مقصرة في حقه ...حتى لو جاهلة ماتعرف شي فهي ربي معطيها بالفطرة موهبة الاهتمام بطفلها ... والا كيف الحيوانات ماتفهم و تربي عيالها و تحن عليها حتى الوحوش منها

كنت على طول احاول اكون مبسوطة وراسمه ابتسامة خفيفة على وجهي و احاول اخلي من كل متاعب الامومة من سهر ورضاعة وتغيير بامبرز و نوم متقطع ....كنت احاول اخلي منها امور ممتعة ... يعني اهتم بطفلتي فيها وبنفس الوقت احاول اسلي نفسي بشي مفيد كثل اجلس عالنت اتصفح هالقسم مثلا عن الاهتمام بالطفل و اقسام المكياج لاني احبها بينما هي تكون نايمة على صدري يا ترضع يا تلعب و تتأملني.

مرات كنت اجهز لنفسي اكلات بسيطة وخفيفة احبها عشان اتغلب على احساس الجوع والضيق اللي يرافقه بالذات وانا ارضع احس كان صدري من جوه مثل الرياح تهب فيه واطفش بقوة كثر ماني جوعانة .... فكنت احاول اكل حتى و انا ارضعها من صدري او الرضاعة الصناعية لاني اعود عيالي عالاثنين .... يعني يصير وقت اطعامها و اكلي مع بعض ..يعني كان احد مشاركني الوجبة وانبسط ما احس اني لحالي جالسة اكل حتى لو بنص الليل .

اسولف مع الطفل عادي ما استحي حتى لو احد موجود عندي من اهلي او زوجي او الناس بالسوق .... كنت ادلعها اغلب الوقت و اكلمها من بعيد و هي تطالعني واقولها يا حلوة يا كتكوتة جالسة تطالعين ماما عشان انتي تحبينها تبغينها تجي تجلس جنبك تضمك وتبوسك و تشم ريحتك الحلوة ... تصدقين ان حتى الطفل يتفاعل مع الكلام ويصير يميز صوت امه و يعرف من نبرتها هي مبسوطة او زعلانة ...هي مرتاحة او تعبانة .... و يصير كمان يعرف لمن تتكلم هل الكلام موجه له او لشخص غيره لانه بيصير يحفظ مضبوط القاب الدلع و الكلام الحلو اللي تخصه فيه .


احاول كمان اطلع واتمشى وانا لسه ما خلصت اربعين يوم نفاس و حتى الخياطة مالمت علي زين .... طلعت ومالي الا اسبوعين نفاس بولادتي الثانية ورحت افرفر بالمولات .... وفين ...بمولات جدة حبيبة قلبي ... كنت متعبة صح بس كنت مبسوطة وماضغط على نفسي كثير بالمشي .كنت اريح من وقت للثاني و معي اهلي يساعدوني و كنت اخذ بنتي توها مولودة معي اكون مجهزة لها كل مستلزماتها عشان احس انها مصدر فرحة وبهجة لي ومو مصدر تقييد حرية وحرمان لي من حياتي السابقة

بالعكس حاولت اشوف فيها سعادتي و ان حياتي بها اسعد من قبل

و الحمد لله بثاني ولادة كسبت المعركة مع الاكتئاب و تغلبت عليه لاني عرف انه مجرد شعور سيء راح نزيدة سوء لو ركزنا اننا نعاني منه و نتالم .... بالعكس لازم تقولين لنفسك هذا وضع طبيعي وراح اتغلب عليه بكل شي مفرح ويدخل على نفسي السرور


الصلاة كمان لها دور .... النفاس تتركها فترة طويلة بالاربعين مو مثل الدورة ما تتخطى اسبوع و ترد الوحدة تشرح خاطرها بالصلاة

طبيعي جدا والله يااختي ولدت بعملية وسافرت بعدها 27يوم لأن تعبت تدري من كان معايا-----------------خخخولدي الحلو جد كرهت نفسي ادعي ع نفسي بالموت كررررهت زوجي واهلي اقول هم السبب في اللي انا فيه بس حاليا والله العظيم اموت علية اتجنن اتجنن ماارتاح الا وهومعايا عمره6شهور ونص --

ماابغاه يريحني الا وقت الأكل اختك في الله تحب الأكل بس ماتاكل ههههههه اقوم واقعد معاه الله يحفظه ويحفظ كل البزارين يارب ويصلحهم