قبل ماتقرين موضوعي ادعي اني ادخل طب وان ربي يشفي ابوي وامي ويطول في اعمارهم :44:
يالــلــعجــــــــب لهكــــــذآ بشـــــــــر! وكأنني كآئنٌ غريب صنوفوني
أأصبح اهم من الاخلاق الجسم والشعر؟ (دبة سمينة )هكذآ ينعتـونــي
تذكرون موضوعي الي اول والي ماقرته تقراه يوم رحت زواج وفتح عيوني قبل شهرين تقريبا بس ماكان عندي اراده قويه وقتها بس الحين لا
بداية أحب اعرفكم بنفسي
انا انسانه طيبه وحساسه بزياده
عمري 18
طولي 148 وزني 80
السمنه عندي وراثه من ابوي
المهم
من يومني صغيره وأنا دبه ومو حلوه مره اقل جمال من اخواتي بس كنت محترمه وذكيه ومااحب اجرح احد لو يموتني كبرت وانا كذا اهلي مايطلعوني معاهم المناسبات عشان لااهجم ع البوفيه يقولون واكل كأني اول مره اشوف عشا ع قولتهم
مانصحوني ولا حاولو يساعدوني ...
الابتدائي خلص وانا كذا
جا المتوسط مراهقه وخويات ومجتمع كبير كانو الحريم يقولون لامي وش فيها بنتك كذا بصراحه مو حلوه اختها فلانه وعلانه احلى منها وانا اسمع بس يحبون يجرحوني يحسبوني ماحس ماادري وش قصتهم ماعلينا انا مااهتم لكلام الناس
كنت في اولى متوسط وسويت عملية لوز وخسيت 15 كيلو كان وزني 75 صار 60
تغيرت وفرحت زميلاتي قالولي احلويتي خليك كذا
بس الي حوليني قالو مو حلوه طلعتي اول احلى وش فيك كذا سمره وهزيله وجهك خرب طلعلتلك حبوب
جاني فقر دم جاني هبوط
ورجعت دبل
المتوسط كان كذا بس ماكنت زي الحين اهتم بحكم اني في سن زواج
جا الثانووي وماادراك مالثانوي
ناس كشخه وحلوين شكلهم اهم حاجه
حبيت اكثر من واحد من عيال اخوالي وعمي وعماتي على امل انو في واحد يحبني منهم بس كانو كلهم يكرهووني
كان عندي ولد خالتي احبه واحسه انو يحبني لانو يتعامل معايا بلطف يعني يسأل امي عني وعن دراستي بس كنت اتحجب منه طبعاا ~~
تعلقت فيه قلت اكيد يحبني تعرفون الي محروم من شيء يحاول يتسمك بأي شيء حتى لو من داخلو يدري انو كذب
تميت احبه لين قبل اسبوعين جت خالتي وقالت
يا ....... فلان بيتزوج يقولون فلانه بنت فلان ( صديقتك في المدرسه) حلوه هاه كيف شفتيها
حلوه ونحيفه اهم شيء نحيفه مانبغاله دبه انا سكتت اول شيء بعدين مسكت دمعتي ومدحت البنت ورحت
تحطمت حيل دخلت الغرفه وبكيت تحطمت حيل
تذكرت كل المواقف الي صارت معاي
والتريقه تذكرت ولد عمي لمن يقول لابوي هذي لو تهديها هديه محد خذاها
تذكرت اختي يوم تقول صديقتها تقولها اختك مو حلوه زيك
تذكرت يوم رحنا انا وبنت عمي زواج وهي متزوجه اليوم الثاني حريم دقو يخطبوها يحسبونها باقي مو متزوجه
تذكرت يوم رحت مع اختي وقالو سبحان الله ماتتشابهوون فرق السما عن الارض
تذكرت يوم اثنين بحارتنا وولد عمي واقف معهم يتريقون علي ياكوره يامنفوخه وهو يضحك مفتشل مايقول انو انا بنت عمه !!
تذكرت يوم اختي تعبت وتنومت في المستشفى جيت باارافقها كل شوي وقالتلي غيري لبسك مو حلو مطلع عيوبك صديقاتي بيجون لتفشليني !!
يوم تقولي خالتي شفنا وحده دبه في التلفزيون قلنا هذي تشبهك وجلسنا نضحك .!!
ومواقف كثيره كثيره لاتعد ولا تحصى
مجتمعنا احسه الجمال عنده اهم شيء
حتى في المدرسه اذا وحده حلوه وستايل حتى لو هي اخلاقها زفت البنات يحبوها ويتجمعون عليهاا
حطيت المخده فوق راسي وصرخت صرخه حسيت كل الي في قلبي طلع
طالعت لنفسي في المرايه وقلت انا لازم اتغير
وفعلاا لي اسبوعين من الان نقصت 5 كيلو الحمد لله صار 75
ومستمره ان شاء الله
كل الي اسويه تخفيف + شرب مويه كثير + شاي اخضر كاس او كاستين في اليوم
شكرا لكل الي جرحوني لانهم دافع لي بصراحة
امس رحت اختبر قياس البنات لاحظو اني نحفانه قالو باين اكثر من 5 كيلو وشجعوني استمرر
تكفو مابي منكم غير دعوه صادقه ان ربي يحقق منايا
وابيكم تتذكرون كل السلبيات الي انقالت عنكم وتحاولون انها ماتتككرر مره ثانيه
دبة سمينة $$ @db_smyn_1
عضوة جديدة
يلزم عليك تسجيل الدخول أولًا لكتابة تعليق.
آإلنزغه
•
ماشاء الله عليك
تعجبيني خلك قويه وعندك اراده
اصلن كل ماشفتي نفسك تنحفين وملابسك توسع تتشجعين اكثر واكثر
استمري وان شا الله تصيرين احلى البنات بالشكل والجسم والكشخه
موفقه ياقلبي
تعجبيني خلك قويه وعندك اراده
اصلن كل ماشفتي نفسك تنحفين وملابسك توسع تتشجعين اكثر واكثر
استمري وان شا الله تصيرين احلى البنات بالشكل والجسم والكشخه
موفقه ياقلبي
الصفحة الأخيرة
وزنك تقريباً نفس وزني الله يعين ويشفي والدينك ويخليهم لك
أهم شي تستمرين حتى لو طفشتي يوم ارجعي اليوم الثاني