ام فيصل,,,,,,,,,,,انا كويتيه,,,,,,,,,,, نهاية العمر,,,,,,,,دوزا اول
اشكركم من قلبى وفعلا بديت مع الشغاله وفهمتها وانا بشرف عليها
جعل الله ذلك فى ميزان حسناتكم

اول شي لااااااازم تعزلين العلبة اللي تحطين فيها سائل الغسيل..
يعني علية للكاسات والبيالات والفناجين ..وعلبة للصحون والملاعق وووو
وكل واحد وله اسفنجته لحاله ..
ثاني شي الفوط ( المناشف) مثل ما قالت وحدة من الاخوات اغسليها بكنفورت او اي ملّين ثاني
ونفس الشي اعزلي مناشف الكاسات عن مناشف الصحون والقدور وباقي الاشياء اللي تجي فيها زفر
وبالنسبة للبيالات والكاسات بين كل فترة وفترة يعني مثلا اسبوعيا عطريها
اذكر انا اخذت هالوصفة من وحدة من المنتدى تقول حطي جمر في مبخرة وحطي عليه مستكه
ومرري الكاسات والبيالات فوقه واذا جيتي تحطينها بالدرج خليها مقلوبة يعني راسها يكون لتحت على اساس ان الريحة تكون محتبسة داخل..وتبقى لوقت طويل

اتمنى اني افتك اختي ..ولا تنسيني من الدعاء

بسم الله الرحمن الرحيم

عزيزتي قلص

عانيت مثلك من رائحة الكاسات افضل طريقة

تحطي الكاسات بـ(طشت - كروانه -زبديه بلاستيك - اناء عميق)

تجمعي فيه الكاسات لا تحطي الكاسات بالمغسله لانه الشغالات ما فيهم ذمه

ما يخطر في بالها كل يوم انها تغسل المغسله بعد الزفر واللحم والدجاج والبيض

وتحط المواعين عليها فاحسن شي افصلي اناء تجميع الكاسات ولا تسمحي بوضع اي

شي داخله مثل الملاعق والصحون دائما وابد اسفنجة وصابون الكاسات لحال واسفنجة

وصابون المواعين لحال وغير مسموح الخلط


واتمنى منكي الدعاء عند الاستفاده

حبيبتى عندى خلطة اخدتها من المنتدى هنا استخدمها لكل شئ وتخلى رائحة كل شئ روعة
لوكس او اى منظف +كلوركس الوان +خل +كمفورت ملين الاقمشة
ضعيهم دائما معا فى زجاجة المنظف وشوفى النظافة وتمتعى بالرائحة وادعي لصاحبة الواصفة اعتذر ان ما اذكر اسمها

بسم الله الرحمن الرحيم

نسيت اقولك احط بواقي الليمون النظيف في موية الصابون

لكن ما يقعد اكثر من يوم ....... ممكن قليل كلوركس على صابون

الكاسات بس يخرب الاسفنجه تحتاجي تغيريها باستمرار واحذري من

الكولوركس على بعض الاواني ممكن تغير لونها بس لاستناليستيل ممتاز

الكلوركس يعطيها لمعه


اختي pelican
خلطتك رائعه.......بس مو صعبة الكمفورت
اخاف اشرب قهوه وشاي برائحة الكمفورت