سوق عالم حواء نايم ..... ماهو السر ياترى ؟؟؟؟ الكل صاروا يتاجرون ... تفضلي أدلي بدلوك

فعلا كلامك سليم المفروض الاشياء الغريبة والحلوة تنعرض اما الاشياء الي متوفرة باسواقنا واغلى صعبة بيكون عليها اقبال:(
وبعدين الحين موسم صيف اكيد فية ركوود طبيعي لانا الناس اكثرهم مسافرين

انا مع كلام اخصائيه الحين كل مسافرر
وفعلا مستحيل اشري شي ممكن الاقيه ببلدي
نبي شي جدييييييييييييييييييييييد

الغاليه المشترين عادة يكونون من الخليج والخيج معروفين في هل الوقت من السنه

كلهم برع يعني مسافرين ولو تين عندنا في الامارات الشوارع فاضيه من المواطنين

يعني محد موجود فاصبري لين شهر 9 وفوق والله يرزقج الخير

بصراحة دامنكم فتحتوا الموضوع أنا بتكلم .. أنا وحده وايد أحب أتسوق بشكل ما تتصورونه.. أدقق على أدق شئ في السوق.. وبكل صراحة أنا إكتشفت إنه في بضائع تنباع في المنتدى بشكل غالي ونوعيتها مب راقية مع إنها في السوق رخيصة جدا جداجدا ليش؟؟؟ هي ما تخاف إن الناس بتكشفها؟؟؟؟ أرجو النظر في هذا الموضوع

هلا الغاليه

يزاج الله خير على طرح الموضوع .. نعم الاحظ وبشكل كبير ان الكل يريد ان يتاجر .. لا عيب في ذلك وإن كانت البضاعة موجوده في نفس البلدة وهي تتعب نفسها وتستكشف الاماكن للحصول على بضاعة جميلة ومتميزة .. في سبيل بيعها على العضوات .. المشكلة حقاً التى بات تفكير مع العضوات هو رفع الاسعار بشكل غير معقول ..

كيف ؟؟؟

اخبرتنى احدى التاجرات وسأسميها ( أ ) انها رأت مجموعة بضاعة عرضتها تاجرة اخرى (ب) وهي تقول انها غير مستفيدة من المبلغ التى تحصل عليه لانها تشتريها ب90درهم وتبيعه ب 100 درهم .. اي أن فائدتها 10 دراهم فقط .. ولكن ( أ ) اخبرتنى انها حصلت على نفس البضاعة التى تبيعها ( ب) بالضبط تماماً ولكنها بــــ 20 أو 40 درهم ..

اذن لم الكذب .. خاصة ان البضاعة تباع في مكان معروف وبسعر رخيص جداً .. انا لا اعارض فكرة رفع السعر.. ولكن لا تلجأ التاجرة الى الكذب وتقول انها غير مستفيدة وانها فقط تربح من هالشغلة 10 دراهم وهي بالاصل تربح 80 درهم ..

بيعى كيفا شئت وحددي السعر الذي تودين بيعه دون ذكر السعر الاصلى حتى لا يكتشف كذبك إن وجدته غيرك بسعر بسيط جداً


اعذرونى والله ثم والله إنى لا اقصد احداً بعينه .. ولكن احببت التنويه

وسلامتكم